Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-nyń Ýálıhanov aýdanynda 4 mektep karantınge jabyldy

2020 jyldyń 24 qarasha 2020 16:50

PETROPAVL. QazAqparat – Soltústik Qazaqstan oblysy Ýálıhanov aýdanynda 14 balada koronavırýs anyqtalyp, tórt mektepte oqý onlaın formatqa kóshirildi, dep habarlaıdy QazAqparat tilshisi.

Búgin SQO Bilim basqarmasynyń basshysy Gúlmıra Kárimova Óńirlik kommýnıkatsııalar qyzmetindegi brıfıngide pandemııa jaǵdaıyndaǵy bilim berý uıymdarynyń jumysy jaıynda málim etti.

Gúlmıra Kárimovanyń aıtýynsha, qyrkúıek aıynan bastap SQO-da 108 bala qaýipti ınfektsııany juqtyrǵan. Olardyń 61-i shtattyq rejımde, 47-si qashyqtan bilim alǵan. Al qarashada COVID-19 juqtyrǵan oqýshylardyń sany kúrt artqan.

«Qarasha aıynda 68 oqýshyda koronavırýs anyqtaldy. Qazirgi ýaqytta 19 bala em alyp jatyr. Onyń 14-i – Ýálıhanov aýdanynyń oqýshylary. Munda tek Chehov orta mektebinde ǵana bir táýlikte 7 baladan KVI anyqtaldy. Olardyń barlyǵy ınfektsııany kúzgi kanıkýl ýaqytynda, úılerinde juqtyrǵan. Basqa balalarmen baılanysta bolmasa da biz 90 oqýshysy bar bul mektepti onlaın formatqa aýystyrdyq», - deıdi Gúlmıra Kárimova.

Ýálıhanov aýdanynyń ortalyǵy Kishkenekól aýylyndaǵy taǵy úsh mektep qashyqtan oqýǵa kóshirildi. Mundaǵy 7 baladan KVI anyqtalǵan.

«Qazirgi ýaqytta Aqqaıyń aýdanynda bir oqýshy, Petropavl qalasynda eki oqýshy aýyryp jatyr. Olardyń barlyǵy karantınde otyr. Al mektepter karantınge jabylmaıdy, tek qana bul mektepterde oqý formaty ózgeredi, ıaǵnı shtattyq rejımnen qashyqtan oqýǵa kóshiriledi», - deıdi SQO Bilim basqarmasynyń basshysy.


Joǵary qaraı