Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtseıleri qoıan-qoltyq urystan álem chempıonatynan qola júldemen oraldy

2021 jyldyń 16 maýsym 2021 21:24

PETROPAVL. QazAqparat – Soltústik Qazaqstan oblysynyń polıtseıleri Yrysbek Baıdollaev pen Erdáýlet Saıdollaev Tashkentten qola júldemen oraldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 4-8 maýsym aralyǵynda Ózbekstanda qoıan-qoltyq urystan álem chempıonaty ótti. Soltústikqazaqstandyq polıtseıler Yrysbek Baıdollaev pen Erdáýlet Saıdollaev Qazaqstan quramasyna kirdi. Óńir polıtseıleri alǵash ret sporttyń bul túrinen qurama sapynda óner kórsetti. Jalpy el namysyn 9 sportshy qorǵady.




Yrysbek Baıdollaev 65 kelige deıingi salmaq dárejesinde, al Erdáýlet Saıdollaev 75 kelige deıin óner kórsetti. Álem chempıonatynda qazaqstandyqtar 7 qola jáne eki altyn medaldi jeńip aldy.

Baıraqty básekege 30 eldiń sportshylary qatysty. Jalpykomandalyq esepte Qazaqstan sportshylary úzdik úshtikke endi. Jarys ıeleri birinshi orynnan kórinse, reseılikter ekinshi oryndy jeńip aldy.

«Soltústikqazaqstandyq sportshylar jaqsy óner kórsetip, quramanyń 3 orynnan kórinýine óz úlesterin qosty. Quqyq qorǵaýshylar úshin qoıan-qoltyq urystyń alar orny erekshe. Bul jeńis únemi jaqsy fızıkalyq daıyndyqta bolýy tıis polıtsııa qyzmetkerlerin sportpen aınalysýǵa yntalandyrady», - deıdi SQO PD bastyǵy Marat Tólebaev.


Joǵary qaraı