Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO polıtseıleri «Jolda qabyldaý» aktsııasynda 150-den astam suraqqa jaýap berdi

2021 jyldyń 20 qyrkúıek 2021 04:23

PETROPAVL. QazAqparat – Soltústik Qazaqstan oblysynda polıtseıler eki kúndik «Jolda qabyldaý» aktsııasyn ótkizip, onlaın keńes uıymdastyrdy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, polıtsııa qyzmetkerleri Instagram men Facebook-tegi vedomstvonyń resmı akkaýnttarynan segiz ret tikeleı efırge shyǵyp, «Jolda qabyldaý» ekikúndik aktsııa aıasynda onlaın keńes uıymdastyryldy. Oblystyq polıtsııa qyzmetkerlerinen bólek, tikeleı efırlerge qalalyq jáne aýdandyq bólimderdiń polıtseıleri de shyqty.

«Jol qozǵalysy qaýipsizdigin uıymdastyrý men qamtamasyz etý, qarýdy tirkeý, kóshi-qon máseleleri – efır barysynda túrli sıpattaǵy ondaǵan suraqtar kelip tústi. Ár suraqqa jaýap berilip, keı máseleler anyqtaý jáne aldaǵy ýaqytta sheshý úshin nazarǵa alyndy», - deıdi SQO PD Ákimshilik polıtsııa basqarmasy bastyǵynyń mindetin atqarýshy Erlan Mádıev.

Ákimshilik polıtseıler tikeleı efırde onlaın baılanystan bólek, «keri baılanys» arqyly WhatsApp pen arnaıy qurylǵan Call-ortalyqta suraqtardy qabyldady. Jalpy, «Jolda qabyldaý» ótken eki kúnde óńdeýge 150-den asa suraq kelip tústi.

«Ashyqtyq pen aıqyndylyq, ishki ister organdarynyń quzyretine kiretin máselelerge jedel den qoıý – qazirgi zamanǵy polıtsııa jumysyna qoıylatyn negizgi talaptar. Sonymen qatar, áleýmettik jeli qoldanýshylarymen konstrýktıvti dıalog qurý «saqadaı saı turýǵa» jáne qylmystar men quqyq buzýshylyqtardyń aldyn alý boıynsha ýaqtyly shara qabyldaýǵa septigin tıgizedi. 2021 jyl bizdiń júıe úshin «Quqyq buzýshylyqtardyń aldyn alý jáne «halyqqa jaqyn polıtsııa» qaǵıdatyn qamtamasyz etý jyly» bolyp bekitilgen», - dep atap ótti SQO PD bastyǵy Marat Tólebaev.


Joǵary qaraı