Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO polıtsııa departamentine jańa basshy taǵaıyndaldy

2022 jyldyń 28 qańtar 2022 20:04

PETROPAVL. QazAqparat – Soltústik Qazaqstan oblysy polıtsııa departamenti basshysy bolyp Aıdyn Qabduldınov taǵaıyndaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, QR Prezıdenti Ákimshiliginiń kelisimi boıynsha QR ishki ister mınıstri Erlan Turǵymbaevtyń buıryǵymen Soltústik Qazaqstan oblysy polıtsııa departamentiniń bastyǵy laýazymyna Aıdyn Qabduldınov taǵaıyndaldy.

Oblystyń ishki ister organdarynyń jeke quramyna jańa basshyny QR Іshki ister mınıstri Erlan Turǵymbaev jáne SQO ákimi Qumar Aqsaqalov tanystyrdy.

Aıdyn Toqtaruly Qabduldınov 1977 jyly Shyǵys Qazaqstan oblysynda týǵan.

Іshki ister organdarynda 1994 jyldan bastap qyzmet atqarady.

QR ІІM Almaty zań ınstıtýtynyń túlegi. Tergeý jáne jedel bólinisterdegi jumys tájirıbesi mol. 2020 jyldyń aqpanynan osy kúnge deıin Almaty qalasy PD bastyǵynyń orynbasary boldy.

Buǵan deıin SQO polıtsııa vedomstvosyn basqarǵan Marat Tólebaev Nur-Sultan qalasy polıtsııa departamentiniń bastyǵy laýazymyna taǵaıyndaldy.


Joǵary qaraı