Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

SQO reanımobıldermen 100 % qamtyldy

2020 jyldyń 27 qarasha 2020 19:08

PETROPAVL. QazAqparat – Soltústik Qazaqstan oblysynyń jedel járdem qyzmetine 20 reanımobıl alyndy. Olardyń barlyǵy aýdandarǵa jiberiledi, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, óńir aýdandary alǵash ret zamanaýı reanımobıldermen qamtylmaq. Búgin oblysqa jetkizilgen 20 jańa kólik eldi mekenderge jiberiledi.

«Jańa reanımobılder kólikteri aýdan ortalyqtaryna beriledi. Bul -aýyldardaǵy medıtsınalyq qyzmet kórsetý sapasyn arttyrady, jedel járdem qyzmeti mobıldi bola túsedi. Nátıjesinde aýyl turǵyndary qajetti kómekti der kezinde, tipti aýrýhanaǵa jetpeı jolda da alady. Óıtkeni bul kólikter zamanaýı jaraqtandyrylǵan», - deıdi SQO ákimi Qumar Aqsaqalov.

Qyrkúıek aıynyń sońynda dál osyndaı 18 reanımobıl Petropavlǵa alynǵan bolatyn. Álemdik talap boıynsha ár on myń turǵynǵa bir kólikten kelýi tıis. SQO-da bul norma boıynsha 55 mashına bolýy kerek. Qazir oblysta 59 jedel járdem kóligi bar. ıAǵnı óńir reanımobıldermen 100 % qamtyldy.

Oblys ákimi Qumar Aqsaqalov karantındik shekteýlerge qatysty da óz pikirin bildirdi.

«Karantındik shekteýlerdi qatańdatý óńirdegi epıdjaǵdaıdy turaqtandyrýǵa óz septigin tıgizip jatyr. Qazir syrqattanǵandardyń kúrt artýy joq. Sondaı-aq aýyr halde jatqandar da azaıǵan. Jansaqtaý bólimine túsýshiler bir deńgeıde saqtalǵan. Infektsııalyq statsıonarlarda da jaǵdaı turaqty. Mysaly keshe 34 adam statsıonarǵa jatqyzylsa, 43-i táýir bolyp shyqty», - deıdi Qumar Aqsaqalov.

Óńir basshysynyń aıtýynsha, aýyrǵandardy anyqtaý qurylymy ózgergen. Buryn juqtyrǵandardyń 60% jiti respıratorlyq vırýstyq ınfektsııamen jáne pnevmonııamen kelgenderdiń arasynan anyqtalyp, tek 20% ǵana aýyrǵandarmen baılanysta bolǵandardan tabylatyn. Qazir bul kórsetkish 51% jetken. ıAǵnı tizbekti der kezinde úzip, ári qaraı taralýyna jol berilmeýde.


Joǵary qaraı