Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

SQO turǵyny paketke salynǵan jaýyngerlik granata taýyp aldy

2020 jyldyń 28 qazan 2020 00:36

PETROPAVL. QazAqparat – Soltústik Qazaqstan oblysy Aıyrtaý aýdanynda er adam aýyl syrtynan paketke salynǵan jaýyngerlik granatany tapty, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Imantaý aýylynyń turǵyny taýyp alǵan qaýipti zat týraly Aıyrtaý aýdanynyń polıtsııasyna habarlaǵan. 55 jastaǵy er adam óziniń asyl tuqymdy ıtterin serýendetý úshin aýyl syrtyna shyqqan. Sol jerden granata salynǵan paketti taýyp alǵan. Aýyl turǵyny jarylǵysh zatty polıtseıler kelgenshe úıilgen shóptiń arasyna tyǵyp qoıǵan.

Oblystyq Polıtsııa departamentiniń jarǵyshtehnık mamandary granatany shóptiń arasynan alyp shyqqan. Sarapshylardyń pikirinshe, ol – qaýipti jaýyngerlik qol granatysy. Polıtsııa ony zalalsyzdandyryp, qaýipti jarylǵysh zattardy tasymaldaýǵa arnalǵan konteınerge ornalastyrdy.

«Bul fakti QR Qylmystyq kodeksiniń 287-baby 3-bóligi boıynsha sotqa deıingi tergep-tekserýdiń biryńǵaı tizilimine engizildi, onyń aıasynda saraptama taǵaıyndalady. Granata tabylǵan jerge de tekserý júrgizildi. Basqa jarylǵysh zat tabylǵan joq», - deıdi Aıyrtaý aýdany polıtsııa bóliminiń bastyǵy Marat Serkeshev.

Saraptama qorytyndysy shyqqannan keıin granatany SQO PD mamandary polıgonda joıady. Polıtseıler kez kelgen kúdikti zat tabylǵan jaǵdaıda dereý polıtsııaǵa habarlaý kerektigin eskertedi. Mundaı qaýipti zattardy óz betimen tasymaldaý qaıǵyly oqıǵalarǵa ákelýi múmkin. Sondaı-aq, qarý-jaraq pen oq-dárilerdi óz erkimen tapsyrý qylmystyq jáne ákimshilik jaýapkershilikten bosatady.


Joǵary qaraı