Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO joldarynda 18 bala zardap shekti

2021 jyldyń 13 maýsym 2021 14:49

PETROPAVL. QazAqparat – Soltústik Qazaqstan oblysy joldarynda jyl bastalǵaly 18 bala zardap shekti, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jazǵy kanıkýl kezinde balalardyń qaýipsizdigi - jergilikti polıtsııa qyzmetiniń mańyzdy mindetteriniń biri. Reıdtik jáne jedel-profılaktıkalyq is-sharalar aıasynda tártip saqshylary balalardyń jol-kólik jaraqattarynyń aldyn alý jumystaryn júrgizip jatyr. Júrgizýshilerge, ásirese qazirgi kezde joldarda qyraǵylyq tanytý qajettigi eskertiledi. Keıde balalar júrip kele jatqan kóliktiń aldynda kenetten paıda bolýy múmkin.

Dál osyndaı jaǵdaıǵa «Folksvagen» avtokóliginiń júrgizýshisi uryndy. 7 maýsymda onyń aldynan jolda turǵan mashınanyń art jaǵynan samokat mingen 3 synyp oqýshysy shyǵa kelgen. Júrgizýshi bolǵan jaǵdaıdy dereý polıtsııaǵa habarlap, balany oblystyq balalar aýrýhanasyna jetkizdi. Sol jerden jetkinshek ata-anasynyń qolhatymen úıine jiberildi.

«Mopedterdi, skýterlerdi, elektrsamokattardy 16 jastan bastap, al jol boıynda velosıpedpen 14 jastan bastap ǵana júrýge bolatyndyǵyn eske salamyz. Balalaryn eki dońǵalaqty kóliktermen qýantqysy keletin ata-analar úshin osyny este saqtaǵan jón. Bul kólikter tirkeýdi qajet etpese de, olardyń júrgizýshileri jol erejelerin bilýge ​​jáne saqtaýǵa mindetti», - deıdi SQO PD jergilikti polıtsııa qyzmeti basqarmasy bastyǵynyń mindetin atqarýshy Grıgorıı Tysh.

5 aı ishinde SQO-da 17 jol-kólik oqıǵasy boldy, onda 18 jasóspirim zardap shekti. 11 jaǵdaıda jaıaý júrginshiler, 5-eýinde jolaýshylar, bir moped mingen jasóspirim zardap shekti.


Joǵary qaraı