Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Smaıylov óńir ákimderine ústeme jáne shekti baǵaǵa baqylaýdy kúsheıtýdi tapsyrdy

2022 jyldyń 18 qańtar 2022 10:46

NUR-SULTAN. QazAqparat – Óńir ákimderi ústeme baǵa men shekti baǵany baqylaý jumysyn kúsheıtýi tıis. Úkimet otyrysynda QR Premer-Mınıstri Álıhan Smaıylov osyny tapsyrdy, dep habarlaıdy QazAqparat tilshisi.

«Búgin aıtylǵan usynystardy jalpy qoldaımyn. Degenmen memlekettik organdar basshylarynyń nazaryn birqatar máselege aýdarǵym keledi. Birinshi, Básekelestikti qorǵaý agenttigi monopolııaǵa qarsy is-shara qoldaný jáne deldaldyq shemalardy tekserý boıynsha jumysty kúsheıtý kerek. Biz jaýapsyz satýshylar men alyp-satarlarǵa baǵany negizsiz ósirý esebinen paıda tabýǵa jol bermeýimiz qajet», - dedi Álıhan Smaıylov.

Onyń atap ótýinshe, ekinshiden, óńirlerdiń ákimderi ústeme baǵa men shekti baǵany baqylaý jumysyn kúsheıtýi tıis.

«Úshinshiden, Qarjy mınıstrligi Saýda jáne ıntegratsııa mınıstrligimen birlesip, naqty taýarlardy ımporttaý nemese óndirý kezinen bastap olardy satýǵa deıin mindetti túrde elektrondyq shot-faktýralardy jazyp berý boıynsha pılottyq jobany júrgizý máselesin pysyqtasyn. Bul alyp-satýdyń árbir deńgeıinde ústeme baǵaǵa monıtorıng júrgizýge múmkindik beredi. Málimetterdi berý úshin Saýda mınıstrligi men Memlekettik kirister komıtetiniń aqparattyq júıelerin ıntegratsııalaý máselesin sheshý qajet», - dedi Premer-Mınıstr.


Joǵary qaraı