Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Aral teńizin ulǵaıtý boıynsha naqty is-sharalar qabyldaý qajet - senator

2020 jyldyń 27 qarasha 2020 17:39

NUR-SULTAN. QazAqparat – Búgin Qyzylorda oblysynda SARATS-2 – «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń aıasynda Qoǵamdyq tyńdaý ótti. Atalǵan shara Parlament Senatynyń Áleýmettik-mádenı damý jáne ǵylym komıtetiniń bastamasymen uıymdastyryldy, dep habarlaıdy QazAqparat.

Sharaǵa Komıtet tóraǵasy Murat Baqtııaruly, senator Aqmaral Álnazarova, sondaı-aq Qazaqstan Respýblıkasynyń Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy, jergilikti atqarýshy organdardyń, iri kúrish sharýashylyqtarynyń basshylary,belgili sý mamandary, qoǵam belsendileri qatysty.





Qoǵamdyq tyńdaý jumysyna tóraǵalyq etken Murat Baqtııaruly óz sózinde SARATS-1 – ǵasyr jobasy Elbasy N.Á. Nazarbaevtyń tikeleı tapsyrmasymen júzege asyp, Qyzylorda oblysynyń áleýmettik-ekonomıkalyq damýyna oń yqpal etkenin atap ótti.

«SARATS-1 jobasynyń júzege asyrylýynyń nátıjesinde Syrdarııa ózenine jáne Soltústik Aral teńizine quıylatyn sýdyń kólemi kóbeıip, óńirdegi kóptegen bıologııalyq túrler qalpyna kelip, sýarmaly jerlerdiń sýmen qamtamasyz etilýi jaqsartyldy. Bul óz kezeginde kólemi 20-30 myń gektardan asatyn birneshe iri kólderdiń qalpyna kelýine, balyq sharýashylyǵynyń damýyna múmkindik berip otyr. Teńizde buryn joǵalyp ketken balyqtyń 13 túri qaıta kórinis tapty, balyq aýlaý kólemi 400 tonnadan 6 myń tonnaǵa jetti. Teńiz Aral qalasyna 75 shaqyrymnan 17 shaqyrymǵa deıin jaqyndady», - dedi Murat Baqtııaruly.





Qoǵamdyq tyńdaýǵa qatysýshylar Soltústik Aral teńiziniń bógetin ulǵaıtýdyń birqatar nusqalaryn talqyǵa saldy. Senator Murat Baqtııaruly bul baǵytta ortaq sheshimge kelip, naqty iske kóshetin ýaqyt jetkenin aıtty.

«Tehnıkalyq-ekonomıkalyq negizdemeni ázirleý barysynda kompıýterlik modeldeý jasaý arqyly Soltústik Aral teńiziniń aýmaǵyn ulǵaıtýdyń bir nemese eki deńgeıli nusqalary boıynsha túpkilikti sheshim qabyldaýdy qajet dep paıymdaımyz. Osyǵan baılanysty, Dúnıejúzilik Banktiń granty esebinen jobanyń tehnıkalyq-ekonomıkalyq negizdemesin ázirleýdi jedeldetý qajettigin usynamyz. Búgingi kúni Aral óńiriniń halqy osy jobanyń jaqyn arada iske asatyndyǵyna úmit artyp otyr», - dedi senator.

Óz sózinde M. Baqtııaruly oblysta sý qoımalaryn salýdyń asa ózekti ekenine de nazar aýdartty.


Avtor Rýslan Ǵabbasov
Basty sózder: Ekologııa, Senat,
Joǵary qaraı