Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstan men Qostanaı oblystarynda qus tumaýynyń saldary qandaı

2020 jyldyń 20 qazan 2020 12:00

NUR-SULTAN. QazAqparat – Búgin Úkimet otyrysynda Soltústik Qazaqstan men Qostanaı oblystarynyń ákimderi qus tumaýy máselesine qatysty esep berdi, dep habarlaıdy QazAqparat tilshisi.

«Bizdiń oblyspen shekaralas ornalasqan Reseıdiń óńirlerinde qus tumaýy paıda bolyp, biraz qus qyryldy. Saldarynan qus tumaýy bizge de tarady. 28 tamyzda qus fabrıkalarynyń basshylarymen shuǵyl keńes ótkizilip, onda aýrýdyń taralýyna jol bermeýdiń algorıtmi ázirlendi. Degenmen oblys aýmaǵynda qus tumaýy tirkelip, 450 myń fakti anyqtaldy», - dedi SQO ákimi Qumar Aqsaqalov.

Osy oraıda ákim aýrýdyń úı qustaryna taralýyna jabaıy qustar áser etkenin jetkizdi.

«Dıagnoz rastalǵan eldi mekenderde karantın rejımi belgilendi, vaktsınanyń 873 myń dozasy bólindi, 554 myń qusqa ekpe jasaldy. Qus ıelerine 66 mln teńge ótemaqy tólendi. Osy baǵytta jumys jalǵasady. Aýyl sharýashylyǵy mınıstrligine ótemaqy tóleý úshin qosymsha qarajat bólý týraly ótinim joldadyq», - dedi Q. Aqsaqalov

Onyń aıtýynsha, oblysta zardap shekken qus fabrıkasyn qalpyna keltirý jospary ázirlendi. Balapan satyp alýǵa qarjylaı qoldaý tetigi qarastyrylýda.

Óz kezeginde Qostanaı oblysynyń ákimi Arhımed Muhambetov sońǵy 17 kúnde qustar arasynda ólim tirkelmegenin jetkizdi.

«Jeke úı aýlasyna arnalǵan vaktsınanyń 491 myń dozasy alyndy, vaktsınalaý sharalary aıaqtaldy. Sonymen qatar qus fabrıkalary óz qarajaty esebinen 625 myń qusqa ekpe jasady. Jalpy somasy 45 mln 500 teńge quraıtyn 35,3 myń qustyń qunyn óteý úshin qujattar joldandy. 2543 qus úshin 7,5 mln teńge somasynda ótemaqy tólendi, bul baǵyttaǵy jumystar jalǵasýda», - dedi A. Muhambetov.

Aıta keteıik, Aýyl sharýashylyǵy mınıstri Saparhan Omarov patogendi qus tumaýynan 873,9 myń qus qyrylǵanyn málim etti.

Osy oraıda qus tumaýy saldarynan joıylǵan qustardyń qunyn óteý úshin respýblıkalyq bıýdjetten qosymsha qarajat kerek.



Joǵary qaraı