Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstan oblysy Mańǵystaýǵa myń tonna jem-shóp jetkizýdi josparlap otyr

2021 jyldyń 6 tamyz 2021 18:55

PETROPAVL. QazAqparat – Soltústik Qazaqstan oblysy qýańshylyqtan zardap shekken Mańǵystaý óńirine myń tonna jem-shóp jiberýdi josparlap otyr, dep habarlaıdy QazAqparat tilshisi.

SQO aýyl sharýashylyǵy jáne jer qatynastary basqarmasy basshysynyń orynbasary Qýandyq Shaqýbaevtyń aıtýynsha, Qyzyljar óńiri bıyl aýa raıyna baılanysty shópti basqa óńirlerge satyp jatqan joq. Aldymen óńir qajettiligi qamtamasyz etiledi. Mańǵystaý oblysyna da osy sebeppen ázirge kómek kórsetilmegen.

«Mańǵystaý óńirine 1 vagon kebek jónelttik. Aldaǵy kúnderi shóp jiberýimiz neǵaıbyl, biraq egin jınaý naýqanynyń barysyna qaraı oblystan myń tonna kóleminde qurama jem, kebek jáne tıýktelgen arpa sabanyn jiberý josparlanyp otyr. Bul másele boıynsha Mańǵystaý oblysynyń ákimdigimen kelisim bar», - deıdi Qýandyq Shaqýbaev.

Jalpy bıyl SQO-da tórt túlikti jemazyqpen qamtý úshin 135 myń gektarǵa jemazyqtyq daqyldar egildi, onyń ishinde 107 myń gektarǵa bir jyldyq shópter, 11 myń gektarǵa kóp jyldyq shópter jáne 17 myń gektardan astamyna súrlem ázirleý úshin

júgeri egildi.

«Halyqty sabanmen qamtý úshin agroqurylymdardyń basshylarymen kezdestik.

Olar eldi mekenderdiń mańyna usaqtaǵyshy joq astyq jınaý kombaındaryn jiberedi. Budan basqa shóp erekshe qorǵalatyn tabıǵı aýmaqtarda - 6 myń gektarda júrgiziledi», - deıdi Qýandyq Shaqýbaev.


Joǵary qaraı