Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstan oblysynda karantın kúsheıtildi

2020 jyldyń 24 qazan 2020 00:14

PETROPAVL. QazAqparat - Soltústik Qazaqstan oblysy bas sanıtar dárigeriniń jańa qaýlysy shyǵyp, óńirde karantın talaptary kúsheıdi, dep habarlaıdy QazAqparat.

Bas sanıtar dáriger Serik Qasmaqasovtyń 23 qazandaǵy №33 qaýlysyna sáıkes, Maǵjan Jumabaev, Mamlıýt, Ýálıhanov aýdandarynyń jáne Petropavl qalasynyń ákimderi, kóliktegi sanıtarııalyq-epıdemıologııalyq qadaǵalaý bóliminiń basshylary elge kireberistegi shekteý sharalarynyń qatań oryndalýyn qamtamasyz etýge tıis.

Sonymen qatar, Qazaqstan Respýblıkasynyń aýmaǵy arqyly ekijaqty jáne tranzıttik tasymaldarda halyqaralyq júk tasymalymen aınalysatyn júrgizýshilerge arnalǵan nusqaýlyq bekitiledi. Al polıtsııa osy nusqaýlyqtyń oryndalýyna monıtorıng júrgizedi.

Jańajol, Bıdaıyq, Qaraqoǵa avtobeketterinde sanıtarııalyq karantın pýnktilerinde tamaqtanýǵa jáne demalýǵa arnalǵan turaq oryndary bekitiledi.

Aýdandardyń jáne Petropavl qalasynyń ákimderi, aýmaqtyq taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń basshylary tamaqtaný jáne demalý turaq oryndarynda obektilerdiń jumys algorıtminiń saqtalýyn baqylaıdy.

Aıta keteıik, jańa qaýly 27 qazan saǵat 00:00 bastap kúshine enedi.


Joǵary qaraı