Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda 740 oqýshy koronavırýs juqtyrǵan

2021 jyldyń 20 sáýir 2021 19:23

PETROPAVL. QazAqparat – Soltústik Qazaqstan oblysynda oqýshylar arasynda koronavırýstyń taralýyna baılanysty bir mektep jáne 46 synyp qashyqtan oqyp jatyr, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń málimetinshe, óńirde koronavırýsqa qatysty jaǵdaı turaqtalyp keledi. Osydan birer apta buryn ınfektsııany juqtyrǵandar sany birden 40 %-ǵa artsa, ótken aptada 3,7 %-ǵa kóbeıip, 242-den 251-ge jetken. Olardyń 58 %-ynda aýrý belgileri boldy.

«Oqýshylar arasynda koronavırýstyń taralýyna baılanysty qazir óńirdegi 46 synyp jáne 1 mektep qashyqtan sabaq berýge kóshti. Jalpy tórtinshi toqsan bastalǵaly 72 oqýshyda KVI anyqtaldy. Olardyń 64-i shtattyq rejımde oqyǵan. Synypta bir oqýshy aýyrsa barlyq synyp qashyqtan oqýǵa kóshedi. 2-3 synypta qatar aýyrsa, mektep karantınge jabylady», - deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov.

Qyrkúıek aıynan beri oblysta 740 oqýshyda koronavırýs anyqtaldy. Balalardyń 284-i ınfektsııany mektepten tys juqtyrǵan.

Jalpy oblys boıynsha KVI-di juqtyrǵandar sany 13 641-ge jetti.


Joǵary qaraı