Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda iri qara mal belgisiz aýrýdan qyryldy

2021 jyldyń 29 shilde 2021 18:02

PETROPAVL. QazAqparat – Soltústik Qazaqstan oblysy Ýálıhanov aýdany Mortyq aýylynda turǵyndardyń onshaqty buzaýy belgisiz aýrýdan óldi, dep habarlaıdy QazAqparat tilshisi.

SQO veterınarııa basqarmasynyń bólim basshysy Qaıyrly Qazanovtyń aıtýynsha, 21 shilde kúni Ýálıhanov aýdany Mortyq aýylynda birneshe iri qara maldyń ólgeni jóninde telefon habarlamasy túsken.

22 shilde kúni oqıǵa ornyna veterınarlyq qyzmet mamandary baryp, epızootıkalyq tekserý júrgizdi. Aram ólgen 7 buzaýdyń óleksesi tabyldy.

«Veterınarlar barǵanda mal isinip, buzyla bastaǵan eken. Mundaı jaǵdaıda maldyń neden ólgenin anyqtaý múmkin emes, óıtkeni aýrýdy anyqtaý úshin synama mal ólgennen keıin 2-3 saǵattyń ishinde alynýy kerek. Sondyqtan tek qana boljam jasap otyrmyz. Mal shópten ýlanǵan nemese pasterellez bolýy múmkin», - deıdi Qaıyrly Qazanov.

Mortyq aýylynda 600 bas qara mal, 2 myńǵa jýyq qoı-eshki jáne 800-ge jýyq jylqy bar. Turǵyndar túlikti aýyldan 7 shaqyrym jerdegi jaıylymda baǵady eken.

Mamandar ólgen maldy jaǵyp, ornyn Dızoldyń 1,5 %-dyq eritindisimen zalalsyzdandyrdy.

Sondaı-aq aýrý taralmaýy úshin emfızemaly kórshıqanǵa, ıaǵnı qarasanǵa qarsy 400 qara malǵa ekpe egilgen.

Veterınarlar jaǵdaıdy baqylaýda ustap otyr, ázirge mal qyrylýynyń jańa jaǵdaılary tirkelgen joq.


Joǵary qaraı