Soltústik Qazaqstanda iz-túzsiz ketken zeınetkerdiń denesi tabyldy

PETROPAVL. QazAqparat – Petropavlda bir kún buryn joǵalyp ketken 73 jastaǵy er adam belgisiz jaǵdaıda kóz jumǵan, dep habarlaıdy QazAqparat.

Zeınetker Sývorov kóshesindegi 253-úıden belgisiz baǵytqa shyǵyp, qaıtyp oralmaǵan.

Ol jeńil kıinip shyǵyp ketken. Qarııa este saqtaý qabiletinen aıyrylǵan.

Onyń týystary áleýmettik jelilerde zeınetkerdiń joǵalyp ketkeni týraly habar taratqan, ony izdeýge eriktiler de qosylǵan.

Polıtsııa departamenti baspasóz qyzmetiniń habarlaýynsha, 21 qańtar tańerteń Komarov kóshesindegi úılerdiń birinen er adamnyń máıiti tabylǵan.

Bul týraly 102 pýltine qala turǵyny habarlady.

«Іz-túzsiz joǵalyp ketken er adamnyń máıiti tabyldy. Atalǵan fakti boıynsha sot-medıtsınalyq saraptama taǵaıyndaldy» dep habarlady baspasóz qyzmeti.