Aýa raıy
Astana 4 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda qus tumaýynan 164 myń qus qyryldy

2020 jyldyń 25 qyrkúıek 2020 17:37

PETROPAVL. QazAqparat – Soltústik Qazaqstan oblysy óńirlik kommýnıkatsııalar qyzmetinde veterınarııa basqarmasynyń basshysy Berik Áljanov óńirdegi qus tumaýyna qatysty jaǵdaıdy aıtyp berdi, dep habarlaıdy QazAqparat tilshisi.

SQO veterınarııa basqarmasynyń basshysy Berik Áljanovtyń aıtýynsha, 25 qyrkúıektegi jaǵdaı boıynsha óńirde qus tumaýy 11 aýdannyń 39eldimekeninde tirkeldi. Saldarynan 164 175 bas ártúrli úı qusy qyryldy. Sonyń 14 myńnan astamy - jeke aýlalarda, qalǵan 150 myńǵa jýyq qus - «Beskól qus fabrıkasynda» ólgen.

«Oblystyń 8 aýdanyndaǵy 18 eldimeken karantınge jabyldy. 13 eldimeken boıynsha patologııalyq materıalǵa zerthanalyq zertteý júrgizilip jatyr. Bul aýyldarda qus tumaýy rastalǵan jaǵdaıda olar da karantınge jabylady», - deıdi Berik Áljanov.

SQO-da qus tumaýyn joıý jáne onyń odan ári taralýyna jol bermeý maqsatynda keshendi is-sharalar jospary ázirlendi. Atqarylatyn jumystardy úılestirý jónindegi jedel shtab quryldy.

«Infektsııa oshaǵynan 20 km radıýstaǵy jeke aýlalarda úı qustaryna vaktsına egilip jatyr. Osy kúnge deıin 85 559 qusqa vaktsına egildi. Bul jumystarǵa 32 arnaıy tehnıka men jeke quram - 201 adamnan turatyn veterınarııalyq mamandar jumyldyryldy», - dedi Berik Áljanov.

Mamannyń aıtýynsha, bıyl jospar boıynsha 600 myń qusqa vaktsına egilýi tıis edi. Bul jumystar keı aýdandarda epıdemııaǵa deıin júrgizildi.


Joǵary qaraı