Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Soltústik Qazaqstanda taǵy qus tumaýy tirkeldi

2021 jyldyń 25 qazan 2021 20:20

PETROPAVL. QazAqparat – Soltústik Qazaqstan oblysynda taǵy da qus tumaýy tirkeldi. Bul joly Tımırıazev aýdanynyń Drýjba eldi mekeninde eki júzden astam úı qusy qyrylyp qaldy, dep habarlaıdy QazAqparat tilshisi.

SQO veterınarııa basqarmasynyń málimetinshe, aýrý oshaǵy Tımırıazev aýdany Internatsıonal aýyldyq okrýgine qarasty Drýjba eldi mekeninde tirkeldi. Osyndaǵy 4 úıdiń 228 qusy, sonyń ishinde 174 taýyq, 21 qaz jáne 33 kúrke taýyq qyrylyp qalǵan.

«Qustarda aýrýǵa tán belgileri boldy. ıAǵnı durys júre almaı, bastaryn artqa shalqaıta berdi. Dene qyzýy kóterilip, aıdarlary kógerdi. Tumsyqtarynan qan ketti. Dıagnozdy rastaý úshin Nur-Sultan qalasyndaǵy Ulttyq referenttik ortalyqqa patologııalyq materıal saraptamaǵa jiberildi. Nátıjesinde qus tumaýy dıagnozy qoıyldy. Aýrý jaıylmas úshin qustardyń 230 óleksesi mal qorymynda órteldi. Aýrý qozdyrǵyshtaryn joıý maqsatynda qus ıeleriniń qora-qopsylary, úılerdiń aýlasy zararsyzdandyryldy», - deıdi veterınarlar.

Drýjba eldi mekeninde 88 úı tútin tútetip otyr. Olardyń 1700-den astam qusy bar.

«Qus tumaýy dala qustarynan juqqan. Aýrý anyqtalǵan úılerdiń barlyq qustary joıyldy. Az ǵana qus qyrylǵandyqtan bir ǵana úı karantınge alyndy. Monıtorıng kúndelikti júrgiziledi. Barlyq tıisti sharalar júzege asyrylyp jatyr. Sonyń ishinde 1600 qusqa vaktsına salyndy. Jyldyń birinshi jarty jyldyǵynda 600 basqa ekpe egilgen edi», - deıdi oblys veterınarlary.

Ótken aıda M.Jumabaev aýdanynyń Lebıaje aýylynda da qus tumaýy tirkelip, myńnan astam úı qusy qyrylǵan edi. Ol joly eldi meken tolyqtaı karantınge jabyldy.


Joǵary qaraı