Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sońǵy 3 aıda KVI-men naýqastanǵandar sany 4,2 esege azaıdy

2021 jyldyń 30 qarasha 2021 09:30

NUR-SULTAN. QazAqparat – Sońǵy 3 aıda KVI-men naýqastanǵandar sany 4,2 esege azaıdy. Bul týraly Úkimet otyrysynda QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Respýblıka boıynsha 1 tamyzdan bastap ınfektsııalyq tósekterdiń qamtylýy 56 paıyzdan 29 paıyzǵa deıin, reanımatsııalyq tósekterdiń qamtylýy 45 paıyzdan 23 paıyzǵa deıin tómendedi. Rezervte 30 myńnan astam tósek-oryn bar. Emdeýdi jalǵastyrýshylar sany azaıdy. Sońǵy úsh aıda naýqastar sany 4,2 ese azaıdy», - dedi birinshi vıtse-mınıstr.

Ol halyqty KVI-ge qarsy vaktsınatsııalaý jalǵasyp jatqanyn aıtty.

«1-komponentpen 8,7 mln adamnan astam adam egildi, egilýge tıisti halyqtyń 76,6 paıyzy nemese jalpy halyqtyń 46,2 paıyzy qamtyldy. Ekinshi komponentpen tıisti halyqtyń 70,8 paıyzyn nemese jalpy halyq sanynyń 42,7 paıyzyn qamtı otyryp, 8 mln-nan astam adam egildi», - dedi Marat Shoranov.


Joǵary qaraı