Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sońǵy aptada koronavırýspen syrqattaný 1,5 ese ósti - Úkimet otyrysy

2022 jyldyń 25 qańtar 2022 09:54

NUR-SULTAN. QazAqparat – Respýblıka boıynsha sońǵy aptada koronavırýs ınfektsııasymen syrqattaný deńgeıi 1,5 ese ósti. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

Mınıstrdiń atap ótýinshe, koronavırýs ınfektsııasynyń «Omıkron» nusqasynyń aınalymy men taralýynan týyndaǵan aýrýdyń ósýi álemniń barlyq elderinde baıqalady. Dúnıejúzilik densaýlyq saqtaý uıymy Eýropalyq óńiriniń derekteri boıynsha sońǵy eki aptada 54 eldiń 43 elinde aýrý órshýde.

«Jyl basynan beri respýblıkada 178 myńnan astam adam koronavırýs ınfektsııasymen aýyrdy. Pandemııanyń búkil kezeńin salystyrǵanda alǵash ret jaǵdaılardyń táýliktik tirkelýi 16 myńnan asty. Bul «Omıkron» nusqasynyń óte joǵary juqpalylyǵyna jáne taralý jyldamdyǵyna baılanysty. Búgingi tańda Túrkistan oblysyn qospaǵanda, búkil el «qyzyl» aımaqta ornalasqan», - dedi Ajar Ǵınııat.

Onyń atap ótýinshe, respýblıka boıynsha sońǵy aptada koronavırýs ınfektsııasymen syrqattaný deńgeıi 1,5 ese ósti.


Joǵary qaraı