Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sońǵy eki aptada eldegi koronavırýs juqtyrý kórsetkishi 28% kemigen

2021 jyldyń 9 jeltoqsan 2021 09:02

NUR-SULTAN. QazAqparat – Qazaqstanda sońǵy eki aptada koronavıýrspen aýrýshańdyq 28% tómendegen. QR Densaýlyq saqtaý mınıstri Alekseı Tsoı Úkimet otyrysynda osyndaı statıstıka keltirdi, dep habarlaıdy QazAqparat tilshisi.

«Álemde KVI-diń 267 mlıllıonnan astam jaǵdaıy, táýligine 500 myńnan astam jaǵdaı tirkelýde. 5 mıllıonnan astam adam qaıtys boldy.

Dúnıejúzilik densaýlyq saqtaý uıymy Eýropa aımaǵynyń málimetteri boıynsha, sońǵy eki aptada 54 eldiń 25 elinde aýrýdyń ósýi baıqalyp otyr.

Sońǵy 14 kúnde aýrýdyń eń kóp ósýi Frantsııada baıqaldy. Onda aýrý 154%-dan astam, Portýgalııada – 80%-dan astam, Shvetsııada – 60%-dan astam, Italııada – 50%-dan astam ósti», - dedi mınıstr.

Onyń málimeti boıynsha, Qazaqstanda sońǵy eki aptada aýrýshańdyq 28%-ǵa tómendedi.

«Álemdik reıtıngte Qazaqstan 1 mln turǵynǵa shaqqandaǵy syrqattanýshylyq deńgeıi boıynsha 108-orynda, ólim-jitim boıynsha 222 eldiń ishinde 102-orynda tur.

Infektsııalyq tósekterdiń júktelimi 24%, reanımatsııalyq tósekterdiń júktelimi 21% bolyp tur.

Em qabyldap jatqandardyń azaıý dınamıkasy baıqalady. Sońǵy úsh aıda naýqastar sany 3,7 ese azaıdy –84 268-den 22 353 naýqasqa deıin», - dedi Densaýlyq saqtaý mınıstri.


Joǵary qaraı