Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sońǵy kúnderi astanada kópqabatty úılerdiń terezesinen úsh bala qulady

2021 jyldyń 26 shilde 2021 13:22

NUR-SULTAN. QazAqparat – Sońǵy kúnderi astanada kópqabatty úılerdiń terezesinen úsh bala qulady, dep habarlaıdy QazAqparat Nur-Sultan qalasy PD baspasóz qyzmetine silteme jasap.

25 shilde kúni saǵat 17:39-da tórt jasar bala Kúmisbekov kóshesindegi kútýshisiniń úıinde ústel arqyly terezege minip, 5-qabattan avtokólikke qulady. Kútýshi bul kezde úıinde uıyqtap jatqan. Bala túrli jaraqattarmen aýrýhanaǵa jetkizildi.

Anasynyń balasyn kútýshige qaldyryp, Býrabaıǵa qydyrýǵa ketkeni anyqtaldy.

Sol kúni saǵat 19:30-da 6 jasar qyz bala Qosshyǵululy kóshesindegi úıinde terezege minip, 2-qabattan jertóleniń kúnqaǵaryna qulaǵan. Ákesi bul ýaqytta dalada júrgen.

26 shilde kúni polıtsııanyń aýdandyq bólimine aýrýhanadan 5 jasar bala túskeni týraly habar túsedi. Tekserý barysynda túngi saǵat 01:00 shamasynda qyz balanyń S. Kýbrın kóshesindegi úıdiń 3-qabatynan qulaǵany anyqtaldy. Bala túrli jaraqattarmen jansaqtaý bólimshesine jatqyzyldy. Ata-anasy oqıǵa bolǵan kezde úıde bolǵan. Bala óz bólmesindegi ashyq qaldyrylǵan terezeden qulaǵan.

Polıtsııanyń aıtýynsha, jyldyń basynan beri astanada 18 bala kópqabatty úılerdiń terezesinen qulap, bir bala mert bolǵan.

Polıtseıler eresekterdi negizgi qaýipsizdik erejelerin saqtaýǵa shaqyrady. Balalardy qaraýsyz qaldyrmaý kerek jáne olardy ashyq terezelerdiń janynda oınatpaý kerek. Antımoskıttik tordyń shyn máninde qorǵamaıtynyn este saqtańyz. Tereze tutqalaryn alyp tastańyz nemese arnaıy qulpy bar tutqalardy qoldanyńyz. Bekitkishter ornatyńyz.

Balańyzdyń ómiri men densaýlyǵy óz qolyńyzda ekenin esten shyǵarmańyz!


Basty sózder: Oqıǵa, Qoǵam, Nur-Sultan,
Joǵary qaraı