Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Sońǵy úsh jylda elimizde para bergeni úshin 641 adam sottalǵan

2021 jyldyń 22 qańtar 2021 16:53

NUR-SULTAN. QazAqparat – Sońǵy 3 jylda Sybaılas jemqorlyqqa qarsy qyzmet para berý faktisi boıynsha 1054 qylmysty tirkedi. Bul týraly AntikorNEWS alańynda Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Sońǵy 3 jyldaǵy dınamıka para berýshilerge qatysty qylmystardy tirkeý faktileriniń óskenin kórsetip otyr. Máselen, 2018 jyly 232 qylmys tirkelgen bolsa, 2020 jyly osyndaı 480 fakti, ıaǵnı eki ese kóp tirkelgen. Para berýshilerdi anyqtaýdyń artýy adal memlekettik qyzmetshilerdiń olarǵa para berý faktileri týraly jıi habarlaýyn kórsetýi múmkin», - deıdi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov.

Sondaı-aq, ol sońǵy úsh jylda para bergeni úshin 641 adam sottalǵanyn aıtty (2018 jyly – 198, 2019 jyly – 187, 2020 jyly – 256).

«Onyń ishinde 151 adamǵa bas bostandyǵynan aıyrý jazasy taǵaıyndalsa (2018 jyly – 52, 2019 jyly – 37, 2020 jyly – 62), 413 adam aıyppul tóledi (2018 jyly – 109, 2019 jyly – 128, 2020 jyly – 176), al 62 adamǵa qatysty bas bostandyǵyn shekteý sharasy qoldanyldy (2018 jyly – 30, 2019 jyly – 16, 2020 jyly – 16). 15 adamǵa shartty túrde sottaý, keıinge qaldyrý jáne taǵy da basqa jaza taǵaıyndaldy», - deıdi ol.


Joǵary qaraı