Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sońǵy úsh jylda qarjy pıramıdalary boıynsha 365 is qozǵalǵan

2021 jyldyń 6 shilde 2021 18:00

NUR-SULTAN. QazAqparat – Sońǵy 3 jylda elimizde qarjy pıramıdasyn qurýǵa qatsy bar 27 adam sottalǵan, dep habarlaıdy QazAqparat.

Bul týraly Bas prokýror Ǵızat Nurdáýletov Májilis ókilderiniń depýtattyq saýalyna bergen jaýabynda aıtqan.

«Bas prokýratýra sizderdiń qarjylyq pıramıdalardyń qyzmeti men jarnamalanýy týraly depýtattyq saýalyńyzdy qarady. Quqyq qorǵaý organdary osyndaı faktilerdi anyqtaý jəne onyń jolyn kesý boıynsha jumys júrgizýde. Sońǵy 3 jylda sotqa deıingi tergep-tekserýdiń biryńǵaı tiziliminde Qylmystyq kodekstiń 217-baby (qarjylyq (ınvestıtsııalyq) pıramıdany qurý jəne oǵan basshylyq etý) boıynsha 365 materıal tirkeldi», - dep jazylǵan Bas prokýrordyń jaýabynda.

Bas prokýratýra usynaǵan anyqtamaǵa súıensek, qarjylyq pıramıdalar boıynsha 2019 jyly – 24, 2020 jyly – 180, 2021 jyldyń 5 aıynda – 161 qylmystyq is qozǵalǵan. Sonyń ishinde 321 is sotqa jiberilgen (2019 jyly – 61, 2020 jyly – 150, 2021 jyldyń 5 aıy – 110).

«Tirkelgen ister negizinde 27 adam qylmystyq jaýapkershilikke tartyldy (2019j. – 4, 2020j. – 13, 2021j. – 10)», - delingen resmı jaýapta.


Joǵary qaraı