Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sot Eljan Birtanovqa qatysty qylmystyq isti toqtatýdan bas tartty

2022 jyldyń 12 mamyr 2022 15:29

NUR-SULTAN. QazAqparat – QR burynǵy Densaýlyq saqtaý mınıstri Eljan Birtanovqa qatysty basty sot otyrysy 26 mamyrda ótpek, dep habarlaıdy QazAqparat tilshisi.

Búgin Nur-Sultan qalasy Saryarqa aýdandyq №2 sotynda burynǵy Densaýlyq saqtaý mınıstri Eljan Birtanovtyń isi boıynsha aldyn ala sot tyńdaýy ótti.

«Eljan Birtanov pen Oljas Ábishevti aıyptaý boıynsha qylmystyq is materıaldary qaraldy. Osylaısha sot aıyptylar men olardyń qorǵaýshylarynyń QR QІJK-de oryn alǵan buzýshylyqtardy joıý úshin qylmystyq isti prokýrorǵa qaıtarý týraly ótinishterin qanaǵattandyrý, qylmystyq isti toqtatý jáne Birtanovqa qatysty bultartpaý sharasyn ózgertýden bas tartýdy qaýly etedi», - dedi Saryarqa aýdandyq №2 sotynyń sýdıasy Ibragım Álkenov.

Basty sot otyrysy 26 mamyrda saǵat 10:00-ǵa belgilendi.

«Eljan Birtanov pen Oljas Ábishevtiń aıyptaýyna qatysty negizgi sot otyrysy jalpy tártippen ashyq túrde ótedi. Sottalýshylarǵa qatysty úıqamaq túrindegi bultartpaý sharasy ózgerissiz qalady. ıAǵnı qylmystyq is boıynsha túpkilikti sheshim qabyldanǵanǵa deıin úıqamaq merzimin uzartý týraly sheshim qabyldandy», - deıdi ol.

Eske sala keteıik, burynǵy densaýlyq saqtaý mınıstri Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.

Bıyl qańtarda eks-mınıstrdiń ústinen qozǵalǵan qylmystyq is sotqa tústi.


Joǵary qaraı