Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sot Eljan Birtanovqa úıden shyǵýǵa ruqsat berdi

2021 jyldyń 21 sáýir 2021 17:33

NUR-SULTAN. QazAqparat – Nur-Sultan qalasynyń mamandandyrylǵan aýdanaralyq tergeý soty burynǵy Densaýlyq saqtaý mınıstri Eljan Birtanovty úıqamaqta ustaý merzimin uzartty, dep habarlaıdy QazAqparat tilshisi.

Bul týraly Nur-Sultan qalasynyń mamandandyrylǵan aýdanaralyq tergeý soty habarlady.

«2021 jylǵy 21 sáýirde Nur-Sultan qalasynyń mamandandyrylǵan aýdanaralyq tergeý soty E.Birtanovtyń úıde qamaýda ustaý merzimin uzartý týraly tergeý organynyń ótinishin qarady. Sotta E.Birtanov oǵan otbasyn asyraý úshin jumys isteýge múmkindik berýdi surady», - dep jazylǵan resmı málimette.

Saıtta jazylǵandaı, eks-mıınıstr 6 aıdan astam ýaqyt boıy úıden shyqpaǵanyn, osy merzimde qandaı da bir zańsyzdyqqa barmaǵanyn alǵa tartqan.

«Zańnyń talaptaryna sáıkes, shekteýler adamnyń otbasy múshelerimen qarym-qatynasyna, qorǵaýshymen qarym-qatynasyna, ómirlik mańyzdy áreketterdi júzege asyrýyna, mysaly, medıtsınalyq kómek alýǵa jáne t. b. kedergi keltirmeýi kerek. Sot úıqamaq merzimin uzarta otyryp, E.Birtanovqa onyń asyraýynda bes adam, onyń úsheýi jas bala jáne qart ana ekenin eskere otyryp, ómirge qajetti is-áreketterdi júzege asyrý úshin úıden saǵat 8-den 19-ǵa deıin shyǵýǵa ruqsat berdi. Sonymen qatar, sot buǵan deıin Birtanov ózine salynǵan tyıymdy buzbaǵanyn nazarǵa aldy», - dep jazylǵan resmı aqparatta.

Eske salsaq, ótken jyly burynǵy densaýlyq saqtaý mınıstri Eljan Birtanov qamaýǵa alyndy. Oǵan qatysty asa iri kólemde bıýdjet qarajatyn ysyrap etý faktisi boıynsha qylmystyq isti tergelip jatyr.

Sonymen qatar, Densaýlyq saqtaý mınıstri Alekseı Tsoı burynǵy mınıstr Birtanovty qoldaǵan ashyq hatqa pikir bildirdi.



Joǵary qaraı