Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sot qujattarynyń 92 paıyzyn onlaın fomatqa kóshirdik – Aslan Týkıev

2021 jyldyń 8 qazan 2021 16:53

NUR-SULTAN. QazAqparat – Eýropadaǵy qaýipsizdik jáne yntymaqtastyq uıymynyń Nur-Sultandaǵy baǵdarlamalar keńsesi, QR Joǵarǵy soty jáne Quqyqtyq saıasatty zertteý ortalyǵy «COVID-19 pandemııasy kezinde sot tóreligine qol jetkizý» taqyrybynda onlaın kezdesý ótkizip jatyr, dep habarlaıdy QazAqparat tilshisi.

Shara basynda EQYU Nur-Sultandaǵy baǵdarlamalar keńsesiniń basshysy Folker Frobart quttyqtaý sóz sóıledi.

Al QR Joǵarǵy soty Ákimshilik ister jónindegi sot alqasynyń sýdıasy Aslan Týkıev pandemııa kezinde sot tóreligin qoljetimdi etý úshin qandaı sharalar qabyldaǵanyn baıandady.

«Árıne, pandemııa qalypty ómir aǵysyn buzyp, qoǵamnyń úırenshikti tirshiligin ózgertip ketti. Sot júıesi de sol ózgeristen shet qalǵan joq. Biraq, sheteldik áriptesterimizden aıyrmashylyǵymyz, biz isterdi qabyldaý men qaraý úderisin bir kúnge de toqtatqan joqpyz. Árıne, syrqattanýǵa baılanysty kútpegen jaıttar boldy. Biraq ol epızodtyq sıpatta bolyp, ary ketse bir aptaǵa ǵana sozyldy. Jalpy alǵanda sot júıesi tutas júıe retinde isterdi qaraý boıynsha jumysyn bir sátke de toqtatqan joq», - dedi Joǵary sot sýdıasy.

Onyń aıtýynsha, pandemııa áserinen eldegi sot júıesiniń qujat aınalymy 92 paıyz onlaın júıege kóshirilgen.

«Pandemııanyń alǵashqy kúnderinde biz tótenshe jaǵdaı kezeńinde qoldanystaǵy jumys oryndarynda neshe sýdıa men sot qyzmetkerlerin qaldyrý kerektigin anyqtap aldyq. Qysqartylǵan nemese qashyqtan jumys rejımine kóshiriletinderdiń sanyn belgiledik. Osynyń bári bizdegi qashyqtan jumys isteý júıesiniń damyǵan júıesiniń arqasynda júzege asty. Biz búkil qujat aınalymyn barynsha onlaın formatqa kóshirdik. Qazir bul kórsetkish 92 paıyzǵa jetti», - dedi Joǵarǵy sottyń Ákimshilik ister jónindegi sot alqasynyń sýdıasy.


Joǵary qaraı