Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sot oryndaýshylardyń áreketi vıdeoǵa jazylyp otyrady – Marat Beketaev

2021 jyldyń 29 jeltoqsan 2021 13:18

NUR-SULTAN. QazAqparat – Sot oryndaýshylar boryshkerlermen betpe-bet jumys júrgizgen jaǵdaıda árbir áreketin vıdeoǵa túsirý qolǵa alynbaq. Bul týraly QR Ádilet mınıstri Marat Beketaev ortalyq kommýnıkatsııalar qyzmetinde ótip jatqan brıfıngide aıtty, dep habarlaıdy QazAqparat tilshisi.

Brıfıng barysynda mınıstr jyl boıynda engizilgen jańashyl jobalarǵa toqtaldy.

«Azamattyq hal-ahýal aktilerin tirkeýdiń elektrondy arhıvi aıasynda zańnamaǵa túzetý engizý týraly bastama engizdik. Budan bylaı eks-aýmaqtyq qaǵıdat engizilmek. ıAǵnı, buryn AHAJ-da tirkelý úshin turǵylyqty mekenjaı boıynsha júginý kerek bolsa, qazir Qazaqstannyń kez kelgen qalasyndaǵy AHAJ qujatyn halyqqa qyzmet kórsetý ortalyǵynda rásimdeýge bolady. AHAJ qujattaryn alý merzimi 30 kúnnen 3 kúnge deıin qysqaryp otyr», - dedi Ádilet mınıstri.

Onyń málimeti boıynsha, sot oryndaýshylardyń qyzmetin tsıfrlandyrý boıynsha atqaryp jatqan sharalar atqarý óndirisiniń aqparattyq júıesi arqyly iske asady.

«Bul júıe 2017 jyldan beri Jeke sot oryndaýshylar palatasynyń senimgerlik basqarýynda. Bul júıeni damytý jáne jumysyn súıemeldeý shyǵyndarynyń bárin sol palata kóteredi. Júıe sot oryndaýshylardyń halyqpen jumysyn ınternet arqyly retteýge baǵyttalǵan. Azamattar óziniń atyndaǵy shekteýler týraly málimetti sot oryndaýshysyna barmaı-aq bile alady. Sondaı-aq, búkil qaryzdy onlaın rejımde tóleýge bolady. Mundaı jaǵdaıda qaryzǵa qatysty shekteýlerdiń bári 30 mınýt ishinde alynady», - dedi vedomstvo basshysy.

Sondaı-aq, ol sot oryndaýshylardyń jaýapkershiligin arttyratyn ózgerister týraly málimet berdi.

«Sot oryndaýshylar boryshkerlermen betpe-bet júmys júrgizgen kezdegi áreketterin vıdeomen tirkeý josparlanyp otyr. Bul fýnktsıonal qazir pysyqtalyp jatyr. Sonyń arqasynda sot oryndaýshylardyń qyzmetin áldeqaıda ashyq ete túsemiz. Basqa da qujattar neǵurlym jyldam ázirlenedi jáne aqparat júıesine ýaqtyly júktelip otyrady», - dedi Marat Beketaev.


Joǵary qaraı