Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Sot oryndaýshylardyń jumysyna qandaı ózgerister enedi - Mınıstr jaýaby

2020 jyldyń 30 qarasha 2020 17:17

NUR-SULTAN. QazAqparat – Elektrondy júıeler sot oryndaýshylarynyń shyǵyndaryn azaıtýǵa edáýir kómektesedi. Ádilet mınıstri Marat Beketaev osylaı dedi, dep habarlaıdy QazAqparat tilshisi.

«Sot oryndaýshylardyń keıbiri óndirý somasy az istermen keıde aınalysqysy kelmeıdi. Biz bul máseleni sheshý úshin birneshe jyl buryn saralanǵan atqarýshylyq sanktsııany engizdik. Sodan bastap az mólsherdegi ister úshin aýqymdy atqarýshylyq sanktsııa bolýy kerektigi aıqyndaldy. ıAǵnı, eger bul dıfferentsıatsııa engizilgenge deıin óndirilgen somanyń 10% birkelki stavka bolsa, qazir atqarýshylyq sanktsııa 25% deıin jetýi múmkin. Bul sot oryndaýshylaryn yntalandyrady. Biraq sot oryndaýshylar qyzmetiniń ashyqtyǵy jáne elektrondy mehanızmderdi engizý odan da joǵary nátıjege jetkizedi», - dedi Marat Beketaev OKQ-da ótken baspasóz máslıhatynda.

Mınıstr sonymen qatar sot oryndaýshylar nelikten somasy az istermen aınalysqysy kelmeıtinin de aıtyp berdi.

«Ýaqyt pen qarjylyq shyǵyn úlken, al tabys az bolǵandyqtan solaı. Al elektrondy júıeler sot oryndaýshylardyń qarjylyq jáne ýaqyt jaǵynan shyǵyndaryn azaıtýǵa kómektesedi. Eger ol buryn bankterge, memlekettik organdarǵa suranys jiberip kelse, qazir elektrondy júıeniń damýynyń arqasynda ol bul aqparatty elektrondy suranystar arqyly áldeqaıda tez jáne yńǵaıly túrde ala alady. Sonymen qatar, ol aqshany tapsyrys hat úshin tóleýge jumsamaıdy. Elestetip kórińizshi, eger ol 20 bankke joldanǵan 20 tapsyrys hat úshin aqsha tólep jatsa, shyǵyny qanshaǵa ketedi? Odan góri ol kompıýter arqyly suranys joldap, aqparatty elektrondy jáne is júzinde aqysyz alady», - dep atap ótti Marat Beketaev.


Avtor Aıan Bekenuly
Basty sózder: QR Ádilet mınıstrligi, Zań, Sot,
Joǵary qaraı