Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sottalǵandy óltirgen: Óskemende túrmeniń 6 qyzmetkeri bostandyǵynan aıyryldy

2021 jyldyń 14 qazan 2021 12:54

ÓSKEMEN. QazAqparat – Óskemen qalasynda túrme qyzmetkerleri jazasyn ótep jatqan azamatty azaptap óltirip, qylmysty jasyrý úshin ony sýıtsıd jasaǵandaı kórsetken, dep habarlaıdy QazAqparat tilshisi.

Óskemen qalalyq №2 soty baspasóz qyzmetiniń málimetinshe, ShQO boıynsha Qylmystyq-atqarý júıesi departamentiniń 6 qyzmetkerine qatysty QR QK-niń 146-baby 3-bóligine (sottalǵan adamdy azaptap, abaısyzda óltirý) sáıkes is qaraldy. Sondaı-aq bopsalaý, qyzmet babyn asyra paıdalaný arqyly para alǵan A. esimdi azamat sottaldy.

«2019 jyldyń 18 maýsymynda OV-156/2 mekemesiniń qyzmetkerleri aldyn ala sóz baılasyp, jábirlenýshi K.-ny uryp-soqqan. Aýyr dárejedegi dene jaraqatyn alǵan er adam sol jerde kóz jumdy. Óz qylmystaryn jasyrý úshin olar taǵy eki sottalǵandy májbúrlep, máıitti tártiptik ızolıator kamerasyna jetkizdi. Polıtsııa qyzmetkerlerine K-nyń óz-ózine qol jumsaǵandyǵyn aıtqan», - delingen aqparatta.

Al A. esimdi túrme qyzmetkeriniń 2018 jyldyń 14 maýsymynda sottalǵan adamnyń anasynan para retinde avtokóliktiń 76 000 teńgelik jazǵy shınalaryn alǵany anyqtaldy. Sondaı-aq ol sottalǵandy óz týysynyń úıinde baspaldaq jasaýǵa májbúrlegen.

«Sot úkimimen sottalǵandy óltirgen túrmeniń 6 qyzmetkeri 5, 7 jáne 8 jylǵa bas bostandyqtarynan aıyryldy. Al para alǵan aıyptalýshy 7 jyl merzimge temir torǵa qamaýǵa alyndy. Sottalýshylardyń barlyǵy memlekettik qyzmette jáne quqyq qorǵaý organdarynda jumys isteý quqyǵyn 3 jylǵa joǵaltty», - delingen habarlamada.


Joǵary qaraı