Aýa raıy
Astana 6 °S
Almaty 10 °S
valıýta baǵamy
USD 388.96
EUR 432.21
RUB 6.09
CNY 54.99

Sottardyń jumys formaty qalaı ózgeredi

2019 jyldyń 17 qyrkúıek 2019 18:44

NUR-SULTAN. QazAqparat – Qazaqstanda elektrondy hattama, protseske qashyqtyqtan qatysý, protseske qatysýshylardyń elektrondy gadjetterdi qoldanýy sekildi jańashyldyqtar engizilmek, dep habarlaıdy QazAqparat.

Bul sharalar búgin Parlament Májilisinde «QR Azamattyq protsestik kodeksine sottar jumysynyń zamanaýı formattaryn endirý, artyq sot rásimderi men shyǵyndaryn qysqartý máseleleri boıynsha ózgerister men tolyqtyrýlar engizý týraly» zań jobasy aıasynda qamtylyp otyr.

«Sońǵy jyldardaǵy sot bıligindegi reformalar Qazaqstandaǵy sot tóreliginiń álemdegi eń qoljetimdi ári jedel bolýyna múmkindik berdi. Búginde Qazaqstan Dúnıejúzilik banktiń Bıznesti júrgizý reıtıngisinde bul kórsetkish boıynsha 190 eldiń arasynda tórtinshi orynda tur. Biraq buǵan masattanýǵa bolmaıdy, álem ekpindi túrde ózgerýde. Sol sebepti taraptardy shaqyrýsyz qaralatyn buıryqtyq jáne jeńildetilgen is júrgizýdi elektrondy formatqa aýystyrýdy usynamyz. Sonymen qatar, taraptyń ótinishi boıynsha dástúrli qaǵaz formatqa aýysý múmkindigi bolady», - dedi QR Joǵarǵy sotynyń azamattyq ister jónindegi sot alqasynyń tóraǵasy Meırambek Taımerdenov.

Talap qoıý is júrgizý isteri boıynsha sot taraptardyń pikirlerin eskere otyryp, osyndaı formatty belgileı alady.

«Zań jobasy basqa da birqatar údemeli jańalyqtardy qamtıdy. Bul turǵyda elektrondy hattama, protseske qashyqtyqtan qatysý, protseske qatysýshylardyń elektrondy gadjetterdi jáne basqa da tehnıkalyq quraldardy qoldanýy sekildi qadamdar eskerilip otyr», - dedi Meırambek Taımerdenov.


Joǵary qaraı