Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sozaqta qola dáýirinen saqtalǵan qundy eskertkishter bar

2022 jyldyń 28 mamyr 2022 13:35

TÚRKІSTAN. QazAqparat – Túrkistan oblysynyń Sozaq aýdanynda qola dáýirinen beri saqtalyp kelip jatqan 3500 tańbaly tas bar. Taý ishinde ornalasqan petroglıfter ashyq aspan astynda ornalasqan, dep habarlaıdy QazAqparat tilshisi.

Tasqa basylǵan tarıhı jádigerler Sozaq aýdany, Abaı qystaǵynyń ońtústik-batysynda, Qarataýdyń Kelinshektaý jotasynan bastaý alatyn kishigirim Arpaózen boıynda ornalasqan. Sondyqtan ǵalymdar men jergilikti turǵyndar petroglıfterdi «Arpaózen tańbaly tastary» dep ataıdy.




Munda tarıhı sýretter beınelengen 3500 tas bar. Negizgi sıýjetteri ańshylyqqa, jaýgershilik taqyrypqa jáne jan-janýarlar tirshiligine arnalǵan. Máselen, jylqy, ógiz, túıe jekken, soǵys, sharýashylyq arbalarynyń beınesi kezdesedi.




Petroglıfterdi zerttep júrgen ǵalym Baýyrjan Baıtanaev Arpaózendegi tańbaly tastardy keńinen nasıhattaý úshin týrızm klasterin damytý kerektigin aıtady.




«Kıeli Sozaq jerinde ornalasqan Arpaózen tańbaly tastary nemese Arpaózen petroglıfteri – qola dáýirinen saqtalǵan qundy eskertkishterge jatady. Jartasqa tańbalanǵan sýretterdi biz keıingi urpaqqa jetkizýde vandaldardan qorǵaýymyz kerek. Ol úshin bul jerde týrızmdi damytyp, petroglıfterdi ıÝNESKO tizimine engizý kerek», – deıdi ol.







Al Qazaqstannyń eńbek sińirgen qaıratkeri, QR Sýretshiler odaǵynyń múshesi Qyrym Altynbekov Arpaózen petroglıfterinen ashyq aspan astyndaǵy mýzeı jasaý arqyly qundy jádigerlerdi qorǵaýǵa bolatynyn aıtty.




«Bul petroglıfter jaqsy saqtalǵan. Qýanyshqa oraı, eshkim tıispegen. Olardy budan ári de saqtap qalýymyz qajet. Sebebi bul ár ǵasyrdan, ár ýaqyttan syr beretin entsıklopedııa. Sondyqtan ashyq aspan astynda murajaı jasaý kerek», - deıdi ol.















































Joǵary qaraı