Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

SpaceX kompanııasynyń Dragon ǵarysh kemesin ushyrý keıinge qaldyryldy

2020 jyldyń 28 mamyr 2020 02:39

MERRIT-AILEND. QazAqparat – Ilon Masktiń SpaceX kompanııasyna tıesili Dragon ǵarysh kemesin ushyrý keıinge qaldyryldy, dep habarlaıdy QazAqparat BBC agenttigine silteme jasap.

Eki ǵaryshkerdi alyp Halyqaralyq ǵarysh stansasyna attanatyn keme ushyrylymy aýa raıynyń qolaısyzdyǵyna baılanysty keıinge shegerildi. Ekinshi ret ushyrý ýaqyty senbi, 30 mamyrǵa belgilengen.

Bastapqyda, ushyrý 28 mamyrda elorda ýaqytymen saǵat 02:33-ke belgilengen edi. Osy ýaqyt saqtalmasa ǵarysh kemesi HǴS-men túıise almaıdy. Óıtkeni stansa Jer betin saǵatyna 27 myń shaqyrym jyldamdyqpen aınalyp ushady.

Dragon ǵarysh kemesin Falcon 9 zymyran tasyǵyshy AQSh-tyń Florıda shtatyndaǵy Kennedı ǵarysh ortalyǵynyń LC-39A start alańynan alyp ushýy tıis bolatyn.

Kompanııanyń alǵashqy ǵarysh kemesi Dragon-dy ushyrý jáne oǵan ázirleý sáti SpaceX pen NASA saıttarynda jáne áleýmettik jelidegi paraqshasynda tórt saǵat buryn tikeleı rejimde kórsetile bastaǵan edi.

Ekıpaj múshesi Dýglas Herlı men Bob Benken buǵan deıin eki ret ǵarysh mıssııasyna qatysqan. Olardyń jubaılary da NASA astronavty.


Foto: nachedeu.com


Perevod Jánibek Amangeldi
Basty sózder: Ǵarysh, Álem, AQSh,
Joǵary qaraı