Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Sport jýrnalıstıkasynyń abyzy Dıas Omarov ómirden ozdy

2020 jyldyń 5 shilde 2020 11:06

NUR-SULTAN. QazAqparat - Búgin tańerteń qazaqstandyq tanymal sport jýrnalısi jáne kommentator Dıas Omarov ómirden ozdy, dep habarlaıdy QazAqparat.

Dıas Omarov 1940 jyldyń 20 qazanynda dúnıege kelgen. Qazirgi Ál-Farabı atyndaǵy Qazaq ulttyq ýnıversıteti fılologııa fakýltetiniń jýrnalıstıka bólimshesinde bilim alǵan. 1966 jyldan Qazteleradıonyń sport komentatory bolǵan. Al 1998 jyldan «Habar» telearnasynda sport kommentatory retinde jumys istegen.

«Dıas aǵanyń ómirden ozǵandyǵy týraly qaıǵyly habar tosynnan boldy. Óıtkeni, jasy birazǵa kelgenine qaramastan ol sporttyq ómir saltyn ustanyp jáne de aptasyna birneshe ret kóptegen dostarymen bas qosyp, súıikti fýtbolynda dop qýalaıtyn edi. №1 sporttyń kóptegen jankúıerleri ony fýtboldyń arqasynda bildi.

Dıas Omarovtyń ákesi - kórnekti memleket jáne qoǵam qaıratkeri, soǵys jyldarynda eń jas saýda halyq komıssary, keıinen Qazaqstan Kompartııasy Ortalyq komıtetiniń hatshysy jáne Mádenıet mınıstri bolǵan, ashqursaq balalyq shaqty bastan keshirgen Іlııas Omarov balalarynyń shymyr bolyp óskendigin qalap, úlken ulyn fýtbolǵa alyp kelgen eken», - dep eske alady Qazaqstannyń sport baspasóz qyzmeti qaýymdastyǵynyń prezıdenti Іlııas Omarov.


Avtor Marlan Jıembaı
Basty sózder: Sport,
Joǵary qaraı