Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Statsıonarda týberkýlezden emdelip jatqan naýqastar arasynda koronavırýs tirkelgen joq

2020 jyldyń 20 qarasha 2020 17:40

NUR-SULTAN. QazAqparat – Týberkýlezdi emdeý statsıonarlarynda qurt aýrýymen aýyratyndar arasynda koronavırýs juqtyrý jaǵdaıy tirkelgen joq. Bul týraly Ortalyq kommýnıkatsııalar qyzmetinde ótken «KVI kezinde asqynýlardyń aldyn alý» atty onlaın brıfıngte aıtyldy, dep habarlaıdy QazAqparat tilshisi.

«Qýanyshymyzǵa oraı, kishkentaı balalarda koronavırýs aýrýy sımptomsyz ótedi, sondyqtan olar aýyrsa da jeńil aýyrady. Osy turǵydan alyp qaraǵanda eń bastysy – jalpy profılaktıkalyq sharalardy qoldaný. Mysaly, sanıtarlyq gıgıenany saqtap, qoldy sabynmen jýyp, bólmeni jeldetip turý kerek. Sabyn koronavırýs ınfektsııasyn jýyp-shaıyp ketedi. Maska taǵyp, taza aýada serýendeý sııaqty eń qarapaıym profılaktıkalyq sharalardy qoldana bilý kerek», - deıdi Ulttyq ftızıopýlmonologııa ortalyǵy dırektorynyń orynbasary Lázzat Eralıeva.

Onyń aıtýynsha, týberkýlezdi emdeıtin jerlerde koronavırýs ınfektsııasynyń aldyn alý sharalary júrgizilip jatyr.

«Ondaı mekemelerge týberkýlezben aýyratyn naýqastar emdeýge jatqyzylyp jatyr. Josparly túrde jatqan kezde naýqas PTR test tapsyryp baryp jatady. Týberkýlezdi emdeý statsıonarlarynda koronavırýs juqtyrý jaǵdaıy tirkelgen joq», - deıdi ol.


Avtor Zarına Qaharman
Basty sózder: Koronavırýs, Medıtsına,
Joǵary qaraı