Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Statı jeńilisin moıyndady: QR Ulttyq qorynyń 530 mln dollar aktıvine salynǵan tyıym alynady

2021 jyldyń 24 qarasha 2021 14:36

NUR-SULTAN. QazAqparat - 2021 jylǵy 22 qarashada Anatol men Gabrıel Statı QR Ulttyq qorynyń 530 mıllıon dollar somasyndaǵy aktıvterine Belgııada ýaqytsha salynǵan tyıym kúshin joıýdy qajet etetindigin moıyndady. Bul Qazaqstan Respýblıkasy men Qazaqstan Ulttyq bankine qarsy Belgııadaǵy protseste Statıdiń eshqandaı perspektıvasy joq ekendiginiń belgisi. Bul týraly QazAqparat QR Ádilet mınıstrligine silteme jasap habarlaıdy.

«Statı salǵan tyıymnyń alynýy Brıýssel Apellıatsııalyq sotynyń 2021 jylǵy 16 qarashadaǵy sheshiminiń tikeleı nátıjesi bolyp tabylady. Bul sheshim Statıdiń iri kólemdegi alaıaqtyq shemaǵa qatysy bar jáne ol tek tórelik sotty ǵana emes, sonymen qatar tórelik sheshimniń kúshin joıý jónindegi protsess kezinde Shvetsııa sottaryn da jańylystyrǵanyn anyqtady», - delingen mınıstrlik habarlamasynda.

Aıta ketsek, Statı Belgııadaǵy sot talqylaýyn 2017 jyldyń sońynda qozǵady. Bul 2018 jylǵy mamyrda Bank of New York Mellon saqtaýyndaǵy QR Ulttyq qoryna tıesili 530 mıllıon AQSh dollaryna tyıym salynýyna ákep soqty.

Belgııadaǵy is júrgizý kelesi úsh protsesti qamtıdy: (1) tórelik sheshimdi taný jáne oryndaý boıynsha is júrgizý, (2) ýaqytsha tyıym salý boıynsha is júrgizý jáne (3) aktıvterge ýaqytsha tyıym salýdy atqarýshylyq is júrgizýge aýystyrý. Osy protsester Brıýsseldiń Apellıatsııalyq sotymen Statı uıymdastyrǵan iri kólemdi alaıaqtyq nátıjesinde alynǵan tórelik sheshimge negizdelgen.

Búgingi jańalyqtardy túsindirip ótken Ádilet mınıstri Marat Beketaev: «Belgııadaǵy 530 mıllıon AQSh dollaryna tyıym salýdan Statıdiń óz erkimen bas tartýy – olardyń iri kólemdegi alaıaqtyq áreketteriniń saldarynyń biri ǵana. Statı men olardyń sybaılastarynyń, onyń ishinde Denıel Chapman men onyń Argentem Krık kompanııalarynyń alaıaqtyǵynan zańnyń ústemdigin qorǵaý jolynda Ádilet mınıstrligi qol jetimdi barlyq quraldardy qoldanatyn bolady. Bul quqyqtyq qorǵaý quraldary Respýblıkaǵa qarsy Statımen jalǵan jáne zańsyz qýdalaý naýqanyn júrgizip jatqan Belgııada jáne basqa da ıýrısdıktsııalarda bar», - dep atap ótti.

Sonymen qatar QR Ádilet mınıstrligi qosymsha habarlap ótkendeı, ýaqytsha tyıym salý protsesi aıasynda Londonnyń Joǵarǵy sotynda bólek sot protsesi bolǵan.

«Onyń nátıjesinde 2020 jylǵy naýryzda Respýblıka men Ulttyq bank paıdasyna sheshim qabyldandy. Osy Londondaǵy protseste Joǵarǵy sottyń 2021 jylǵy aqpandaǵy Respýblıka men Ulttyq banktiń 3,7 mıllıon dollar kólemindegi sot shyǵyndaryn tóleýge mindetteıtin sheshim Statıdiń jeńilisiniń nátıjesi boldy. Alaıda, Statı sheshimdi osy ýaqytqa deıin oryndamady», - delingen vedomstvo málimetinde.

Eske salaıyq, buǵan deıin Ádilet mınıstrligi Qazaqstan Respýblıkasy Statımen daýda jeńiske jetkenin málimdegen bolatyn.
Joǵary qaraı