Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Stepnogor ákimdiginde bıýdjet qarajaty jymqyrylǵany anyqtaldy

2020 jyldyń 28 qazan 2020 19:10

KÓKShETAÝ. QazAqparat - Stepnogor ákimdiginde bıýdjet qarajaty jymqyrylǵany anyqtaldy. Bul týraly Aqmola oblysy boıynsha Sybaılas jemqorlyqqa qarsy qyzmet basshylyǵynyń jáne Stepnogorsk qalasy ákimdigi ókilderiniń qatysýymen ótken oınlaın beınekonferentsııa barysynda aıtyldy, dep habarlaıdy QazAqparat tilshisi jergilikti jemqorlyqqa qarsy qyzmettiń baspasóz qyzmetine silteme jasap.

Kezdesýde aıtylǵandaı, sotqa deıingi tergeý barysynda Stepnogor qalasynyń jergilikti atqarýshy organynyń mamany óz basshysynyń ETsQ arqyly bıýdjet qarajatyn jalaqy túrinde óziniń kart-shotyna zańsyz aýdarǵany anyqtaldy.

Sondaı-aq, memlekettik mekemeniń shotynan óz kart-shotyna jalaqyny zańsyz artyq aýdarý jolymen bıýdjet qarajatyn urlaý faktisi boıynsha Stepnogor ákimdigi bólimderiniń biriniń laýazymdy tulǵasyna qatysty qylmystyq is sheńberinde aqparat ákimdik qyzmetkerleriniń nazaryna jetkizildi.

Osy Sybaılas jemqorlyq quqyq buzýshylyqtardy jasaýǵa joǵary turǵan basshylyq tarapynan tıisti baqylaýdyń bolmaýy, óz laýazymdyq mindetterin oryndaý kezinde nemquraılylyq, birqatar zańnamalyq aktilerdiń talaptaryn óreskel buzý, QR zańnamasyn buzýshylyqtarǵa jol bermeý boıynsha túsindirý jumystaryn júrgizýdiń bolmaýy yqpal etti.




Kezdesý barysynda oblystyq Sybaılas jemqorlyqqa qarsy qyzmet basshysy Murat Tóleýbaev memlekettik qyzmetkerlerdi sybaılas jemqorlyqqa qarsy zańnamadaǵy jańa engizilimder týraly habardar etip, sybaılas jemqorlyqqa qarsy kúrestiń aldyn alý sharalaryn qabyldaý qajettigin atap ótti.

«Sizdiń óńirińizdegi laýazymdy tulǵalardyń birneshe ret sybaılas jemqorlyq faktileri sybaılas jemqorlyqtyń aldyn alý boıynsha júrgizilip jatqan jumystardyń álsizdigin kórsetedi. Qyzmetkerlerdiń sybaılas jemqorlyqqa qarsy zańnamany saqtaýyn qamtamasyz etý jáne memlekettik qyzmetshiler arasynda sybaılas jemqorlyqqa tózbeýshilikti qalyptastyrý jónindegi jumysty kúsheıtý qajet. Bul jerde formaldy tásilge jol bermeý kerek, sharalardy qabyldamaǵany nemese tıisinshe qabyldamaǵany úshin birinshi basshylar jaýapty», - dedi Murat Tóleýbaev.


Joǵary qaraı