Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Stop Covid»: Elorda jastary turǵyndardy vaktsına alýǵa shaqyrdy

2021 jyldyń 29 shilde 2021 12:22

NUR-SULTAN. QazAqparat - Elordadaǵy «Abý-Dabı Plaza» saýda oıyn-saýyq ortalyǵynda «Stop Covid» aktsııasy aıasynda stýdentter vaktsına aldy, dep habarlaıdy elorda ákimdiginiń resmı saıty.

Álemge zııanyn tıgizip otyrǵan COVID-19 indetin jeńýdiń eń tıimdi joly — vaktsınatsııa arqyly ujymdyq ımmýnıtetti damytý. Al ujymdyq ımmýnıtettiń úlesi 60%-dan asýy kerek.

«Búgin «Stop Covid» aktsııasy ótip jatyr. El bolyp koronavırýs ınfektsııasyna qarsy turý úshin jaqsy ımmýnıtet bolý kerek. Ony qalyptastyrýdyń birden-bir joly – vaktsına. Osy oraıda bizge qoldaý bildirip otyrǵan 15 JOO bar. Bárimiz biletindeı, qyrkúıek aıynda oqý offlaın formatta bastalady. Al JOO talaptaryna sáıkes stýdentter offlaın formatta oqýy úshin vaktsına alýy qajet. Vaktsına alý men almaý adamnyń óz sheshimi. Oǵan eshkimdi mindettemeıdi. Sondyqtan vaktsına alam deýshiler úshin qalanyń birqatar saýda oıyn-saýyq ortalyǵynda, emhanalarda t.b. jekelegen oryndarda tegin túrde júrgizilip jatyr», — dedi Nur-Sultan qalasynyń Jastar saıasaty máseleleri basqarmasynyń bólim basshysy Aqulan Tastemir.




Elordada atalǵan aktsııa apta sońyna deıin jalǵasady. Jalpy alǵanda elordada 51 myńǵa jýyq stýdent bar. Búgingi aktsııa boıynsha túrli JOO-dan 70-ke jýyq stýdent kelip «Spýtnık-V» vaktsınasyn aldy.




«Men Qazaq tehnologııa jáne bıznes ýnıversıtetiniń stýdentimin. Búgin «Abý-Dabı Plaza» oıyn-saýyq ortalyǵyna vaktsına alýǵa keldim. Bul meniń óz sheshimim. Elimizdiń barlyq stýdentin vaktsına alýǵa shaqyramyn. Sebebi karantınge deıingi qalypty ómirge oralýymyz qajet dep oılaımyn. Kınozaldar, oıyn-saýyq ortalyqtary men teatr sııaqty oryndar yńǵaıly qalypqa kelip, betperdesiz júretin kúnder týady degen senemin», — dedi QazTBÝ ýnıversıtetiniń 3-kýrs stýdenti Danııar Beketov.

Aıta keteıik, aldaǵy ýaqytta «Stop Covid» aktsııasy ózge qaladaǵy stýdentterge estafeta retinde joldanady.























Basty sózder: Medıtsına, Nur-Sultan, Koronavırýs,
Joǵary qaraı