Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Stýdentke nashar bilim berip, sapany kóterýdi oılamaıtyn áskerı kafedralardy jabý qajet – Bilim mınıstri

2022 jyldyń 20 mamyr 2022 12:26

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov ýnıversıtetterdegi áskerı kafedralardy ońtaılandyryp, qaıta qaraýdy usyndy, dep habarlaıdy QazAqparat.

«Merzimdi áskerı qyzmetin ótep júrgenderdiń bilim alýǵa múmkindikteri asa kóp emes. Sol sebepti olar úshin jappaı onlaın kýrstar ashýdy josparlap otyrmyz. Sondaı-aq sarbazdardyń oqý nátıjelerin qaıta tekserýge jáne qysqa merzimdi kýrstardan ótip, biliktilik emtıhanyn tapsyryp, olarǵa jumysshy mamandyǵyn alǵany týraly dıplom berýge daıynbyz», - dep jazdy Bilim mınıstri óziniń Facebook paraqshasyna.

Taǵy bir mańyzdy bastama – keıbir áskerı bólimderde kolledjder ashý. Osy másele boıynsha taldaý júrgizilip, naqty sheshim qabyldanady.

«Ýnıversıtetterdegi áskerı kafedralardy ońtaılandyryp, qaıta qaraýdy usynamyz. Bizdi olardyń jumysynyń sapasy men sybaılas jemqorlyq táýekelderi alańdatady. Stýdentterge nashar bilim berip, sapany kóterýdi oılamaıtyn áskerı kafedralardy jabý qajet dep sanaımyz. Sondaı-aq áskerı kafedralardyń barlyq qyzmetkerin qaıta attestatsııadan ótkizý kerek. Oqýǵa qabyldaýdyń naqty, ashyq jáne shynaıy erejelerin qabyldaǵan durys. Sonymen birge memlekettik tapsyrystyń qunyn arttyrý qajet», - deıdi A. Aımaǵambetov.

Buǵan deıin Bilim mınıstri áskerı boryshyn ótegen jáne «Kadet» synybyn bitirgen túlekter ýnıversıtetke grant alý úshin 5% kvota bólinetinin jazǵan edi. Oǵan qosa, ýnıversıtet túlekteri áskerı qyzmetten ótse, grantty óteýden bosatylady.



Joǵary qaraı