Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sý kóligimen serýendeýge tyıym salyndy: Kóliktegi bas sanıtar dárigerdiń qaýlysy

2021 jyldyń 3 tamyz 2021 20:35

NUR-SULTAN. QazAqparat – QR Kóliktegi bas sanıtar dárigeriniń sý kólikterimen serýendeý sharalaryn shekteıtin qaýlysy jarııalandy, dep habarlaıdy QazAqparat tilshisi.

Qujat boıynsha sý kóligin usynatyn nysandar Ashyq jobasyna qatyspaıtyn bolsa, kater, keme, teplohod, parom sııaqty kólikterdi kólderde, sý qoımalarynda oıyn-saýyq jáne serýendik is-sharalarǵa paıdalanýǵa tyıym salyndy.

Al táýekeldiń shekti deńgeıi sanalatyn - «qoıý qyzyl» aımaqtaǵy óńirlerde atalmysh kólikterdi demalys kúnderi Ashyq jobasyna qatysýshylar da paıdalana almaıdy.

Qaýlyda serýendeý is-sharalaryna paıdalanylatyn sý kóliginiń ıelerine karantındik shekteýge túspeý úshin Ashyq jobasyna ený qajettigi aıtylǵan.

«Sý kóligi ıelerine oıyn-saýyq jáne serýendeý-ekskýrsııalyq is-sharalar salasynda paıdalanylatyn sý kóligin paıdalanýǵa tyıym salý boıynsha shekteý sıpatyndaǵy qabyldanǵan sharalar týraly túsindire otyryp, sý kóligi obektilerinde Ashyq jobasyn engizý jáne karantındik sharalardyń saqtalýyn baqylaý júrgizilsin», - dep jazylǵan qujatta.

Qaýlynyń tolyq mátinimen myna jerden tanysýǵa bolady.


Joǵary qaraı