Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sý tasqyny: Qazaqstanda 46 úı men 67 joldy sý basqan

2021 jyldyń 15 sáýir 2021 13:20

NUR-SULTAN. QazAqparat – QR Tótenshe jaǵlaılar mınıstri ıÝrıı Ilın elimizde júrgizilip jatqan sý tasqynyna qarsy is-sharalar týraly aıtyp berdi, dep habarlaıdy QazAqparat tilshisi.

«Jalpy elimizdegi sý tasqyny jaǵdaıyn turaqty dep aıtýǵa bolady. Aýa raıynyń kúrt jylýynan sý tasqyny qaýpi bastalǵan sátten beri 46 turǵyn úıdi sý basty. Óńirler boıynsha Qostanaı oblysynda – 39, Aqmola oblysynda – 5, Shyǵys Qazaqstanda – 1 jáne Nur-Sultanda 1 turǵyn úıge sý kirgen. Úı ishindegi sý deńgeıi 10-15 sanımetr deńgeıinde bolǵandyqtan, barlyq jerde sý sorǵylaý jumystary júrgizilgen. Turǵyndar birtindep oralyp jatyr. Jaǵdaıdy teksergen soń, jergilikti atqarýshy organdar zardap shekken turǵyndarǵa ótemaqy tóleý týraly sheshim qabyldaıdy», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Sonymen birge, elimizde oblystyq jáne aýdandyq mańyzy bar 67 avtojolǵa sý jaıylǵan. Aqmola oblysynda – 33, Soltústik Qazaqstanda – 10, Qostanaıda – 9, Qaraǵandy oblysynda – 8, Shyǵys Qazaqstanda – 2, Atyraý, Aqtóbe, Pavlodar oblystarynda 1 avtojoldy sý basqan.

Mınıstrliktiń habarlaýynsha, sý tasqyny kezeńi bastalǵannan beri jergilikti atqarýshy organdar men TJM bólimsheleriniń kúshimen Aqmola, Qostanaı, Pavlodar, Shyǵys Qazaqstan, Soltústik Qazaqstan oblystarynda 172 775 tekshe metr erigen qar sýy soryldy. Aqmola jáne Soltústik Qazaqstan oblystarynda 455,9 m sý ótkizý arnalary men aryqtar tazartyldy. Aqmola jáne Qostanaı oblystarynda ınertti materıaldar salynǵan 2900 qap tóseldi. Jergilikti atqarýshy organdar eldi mekenderden 39,2 mln tekshe metr qar shyǵardy.


Joǵary qaraı