Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Súleılerdiń izimen»: Elorda tórinde jyrshylar óner kórsetti

2021 jyldyń 27 qyrkúıek 2021 07:27

NUR-SULTAN. QazAqparat - Qazaqkontsert elordalyqtardy «Súleılerdiń izimen» atty jańa kontsertpen qýantty, dep habarlaıdy QazAqparat.

Bul keshte Qazaqkontsert ártisterimen birge jyr eli atanǵan Syr óńiriniń talantty aqyn-jyrshylary óner kórsetti. Óner súıer qaýym ulttyq qundylyqtar men halqymyzdyń baı ádebı murasy jyrlanǵan erekshe keshtiń kýágeri bola aldy.


Kontsertke qatysýshylardyń biri, Qazaqkontsert solısi Kúnsulý Túrikpenniń aıtýynsha Syr boıy aqyn-jyrshylarynyń «súleı» dep atalýynda úlken mán bar. «Týma talant» degen maǵynany bildiretin súleı sózi Syr óńiri jyrshylarynyń basty ereksheligin kórsetedi.

- «Súleılerdiń izimen» jyr keshinde Jambyl Jabaevtyń, Kete Júsiptiń, Turmaǵambet, Nartaı, Bazar sııaqty aqyn-jyraýlardyń shyǵarmalary dáriptelip, ulttyq ónerimizdiń ózekti taqyryptary kóterildi. Ulttyq, tárbıelik jáne tanymdyq máni zor shyǵarmalardan turatyn bul kontsert Táýelsizdiktiń 30 jyldyq mereıtoıyna arnalady, - dep jetkizdi Kúnsulý Túrikpen.


Jyrdan shashý shashyp, Syr súleıleriniń dástúr sabaqtastyǵyn jalǵaǵan jas jyrshy-aqyndar elimizdiń baı mádenıetin, shejire-tarıhyn ónegeli jyrmen jetkizdi. Belgili jyraý ustaz, Qazaqstannyń eńbek sińirgen qaıratkeri Almas Almatov bastaǵan talantty jyrshylardyń ónerin kórermen qaýym zor yqylaspen qabyldady.


Qazaqy jyr men dástúrli ónerge arnalǵan «Súleılerdiń izimen» kontserti jańa formatta ótti. Onyń basty ereksheligi – kórermender kontsertti ártistermen birge sahnada otyryp tamashalap, kontserttiń tikeleı qatysýshysy bola aldy. Qazaqkontserttiń jańa 61-kontserttik maýsymyndaǵy bul kesh tyńdarman qaýymǵa naǵyz rýhanı demalys syılady.


Basty sózder: Nur-Sultan, Mádenıet, Óner,
Joǵary qaraı