Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sultanmahmut Toraıǵyrovtyń tuńǵysh ret respýblıkalyq oqýy ótti

2021 jyldyń 30 qyrkúıek 2021 11:38

PAVLODAR. QazAqparat - Pavlodar qalasynda Sultanmahmut Toraıǵyrov atyndaǵy respýblıkalyq kórkemsóz oqýlary konkýrsy ótti, dep habarlaıdy QazAqparat.

Konkýrsqa elimizdiń túkpir-túkpirinen 18 ben 28 jas aralyǵyndaǵy ónerpazdar qatysty.

Baıqaý erejesine saı, úmitkerler Sultanmahmut Toraıǵyrovtyń kez kelgen shyǵarmasynan úzindi oqyp, óz ónerin ortaǵa saldy.

Saıys qorytyndysy boıynsha Pavlodar oblysynyń úmitkeri Rasýl Temesh bas júldeni qanjyǵasyna baılasa, I oryndy Nur-Sultan qalasynyń úmitkeri Ǵylymqal Manaı jeńip aldy. Al ІІ oryn Pavlodar oblysy atynan qatysqan Dıana Qabylqaıyrǵa buıyrsa, ІІІ oryndy Batys Qazaqstan oblysynan kelgen Aıdos Isekenov ıelendi.

Sondaı-aq Sultanmahmut Toraıǵyrov qorynyń arnaıy syılyǵyna Shyǵys Qazaqstan oblysynan kelgen Erjan Ahanov ıe boldy.

Barlyq qatysýshylar arnaıy dıplomdarmen, alǵys hattarmen jáne aqshalaı sertıfıkattarmen marapattaldy.

«Konkýrs qasıetti jazýshynyń aýyly Baıanaýyldaǵy Toraıǵyr aýylynyń mádenıet úıinde boldy. Ár oblystan kelgen qatysýshylardyń bári myqty, júzden júırik, myńnan tulparlar, barlyǵyda myqty daıyndyqpen kelgen, aqynnyń jyrlaryn tebirene oqydy. Baıqaýdan alǵan áserimiz erekshe. Aqynnyń jyryn ǵana oqyp qoımaı, aýylyn, ósken jerin, Toraıǵyr kólin kórdik. Sýy tunyq, shóbi shúıgin bul meken aqynnyń jyryna arqaý bolǵany baıqalady. Bul jarysty uıymdastyrǵan qatysýshylarmen uıymdastyrýshylarǵa rahmetimizdi aıtamyz. Uıymdastyrýy óte joǵarǵy deńgeıde ótti. Endi bul baıqaýdy jyl saıyn uıymdastyryp dástúrge aınaldyrsa degen nıettemiz», deıdi qatysýshy Ǵylymqal Manaı.





Avtor Erbol Janat
Basty sózder: Mádenıet, Pavlodar oblysy, Ádebıet,
Joǵary qaraı