Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sultanov: Shıkizattyq emes eksportty ulǵaıtý boıynsha júıeli usynystar ázirlenedi

2022 jyldyń 12 qańtar 2022 09:34

NUR-SULTAN. QazAqparat – Shıkizattyq emes eksportty ulǵaıtý boıynsha júıeli usynystar ázirlenedi. Bul týraly búgin Úkimet otyrysynda QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Memleket basshysynyń ekonomıkany ártaraptandyrý jáne tólem balansyn jaqsartý qajettigi týraly tapsyrmasyna da qysqasha toqtalǵym keledi. Birinshi, «Eksporttyq tártip» tásilderin engizý jolymen shıkizattyq emes eksportty ulǵaıtý boıynsha júıeli usynystar ázirlenedi. Joǵary bilikti kadrlardy, elde jańa tehnologııalardy shoǵyrlandyrý jáne halyqaralyq naryqta jańa belsendi oıynshylardy ósirý úshin Ońtústik-Shyǵys Azııa men Shyǵys Eýropanyń tájirıbesi paıdalanylatyn bolady», - dedi mınıstr.

Onyń atap ótýinshe, ekinshiden, halyqaralyq qyzmetter saýdasy jáne transshekaralyq saýdany damytý jumysyna kóńil bólinedi. Bul úshin mınıstrlik qyzmetter eksportyn damytý jóninde usynystar ázirleıtin bolady jáne Ulttyq bankpen birlesip olardyń eksportyn esepke alý ádistemesin qaıta qaraıdy.

«Úshinshi, jaqyn kórshiles eldermen saýdany keńeıtý jónindegi jumys jalǵasady. Saýda-ekonomıkalyq qatynastardy, ónerkásiptik jáne ınvestıtsııalyq kooperatsııany odan ári tereńdetý Eýrazııalyq ekonomıkalyq odaq boıynsha áriptesterge jáne Ortalyq Azııadaǵy jaqyn kórshilerge baǵyttalatyn bolady», - dedi Baqyt Sultanov.


Joǵary qaraı