Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Sybaılas jemqorlyqpen kúres: Call ortalyqqa 25 myńnan astam habarlama tústi

2020 jyldyń 27 qarasha 2020 12:12

NUR-SULTAN. QazAqparat - Sybaılas jemqorlyqqa qarsy is-qımyl agenttigi Strategııa jáne jedel basqarý departamentiniń basshysy Nurlan Jaqsymbetov 1424 Call ortalyǵy qyzmetiniń bıylǵy 10 aıyndaǵy qorytyndysyn jarııalady, dep habarlaıdy QazAqparat tilshisi.

«Sońǵy ýaqytta óz jumysyn táýlik boıy júzege asyratyn Sybaılas jemqorlyqqa qarsy qyzmettiń Call-ortalyǵy úlken senimge ıe bolyp otyr. Osy oraıda bıylǵy10 aıynda Call-ortalyqqa 25 myńnan astam qońyraý shalyndy, bul olardyń ótken jylǵy sanynan 12 paıyzǵa artyq (22 284). Onyń ishinde 5,3 myńǵa jýyq qońyraýdyń mańyzy Sybaılas jemqorlyqqa qarsy qyzmettiń quzyretine jatady», - dedi N. Jausymbetov onlaın brıfıngide.

Onyń aıtýynsha, sybaılas jemqorlyq faktileri 806 ótinishti qamtıdy, onyń ishinde 633 ótinish bastapqy tekserý aıasynda qaralady. Sonymen qatar, 75 ótinish nemese qylmystyq quqyq buzýshylyq belgileri bar 11 paıyzy boıynsha sotqa deıingi tergeý júrgizildi, olardyń nátıjeleri boıynsha 13 aıyptaý úkimimen 21 qylmystyq is sotqa joldandy.

«Almaty qalasy Medeý aýdandyq sotynyń úkimimen Polıtsııa basqarmasynyń anyqtaýshysy qylmystyq isti toqtatqany úshin 26 800 AQSh dollary somasynda para alǵany úshin kináli dep tanyldy. Ol ótinish berýshi Call-ortalyqqa júgingennen keıin ustaldy», - dedi departament basshysy.

Onyń sózine qaraǵanda, shaǵymdar polıtsııa qyzmetkerleriniń (232), jergilikti atqarýshy organdar qyzmetkerleriniń (153), bilim berý (158) jáne densaýlyq saqtaý (136) qyzmetkerleriniń jáne basqa da salalar ókilderiniń áreketterine kelip túsedi.

«Ótinishterdiń kópshiligin qylmystyq jáne ákimshilik jaýapkershilikke tartylmaǵany, kedergisiz júrip ótkeni, sondaı-aq anyqtamalar, júrgizýshi kýálikteri, dıplomdar bergeni, múgedektikti, járdemaqylardy resimdegeni, jumysqa ornalastyrǵany jáne basqa jaǵdaılar boıynsha parany qorqytyp alý faktilerin quraıdy. Óńirler bólinisinde ótinishpen júgingender sany boıynsha ońtústik jáne ortalyq óńirler kósh bastap keledi. Osy oraıda Túrkistan oblysy (102), Almaty qalasy (86), Almaty oblysy (85), Shymkent qalasy (45), Qaraǵandy oblysy (44), Nur-Sultan qalasy (43) jáne Jambyl oblystary (42)», - dep túsindirdi agenttik ókili.


Joǵary qaraı