Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Syrtqy ister mınıstrligi memlekettik tildi qoldanýda aldyńǵy shepten kórinýi tıis - Erlan Álimbaev

2021 jyldyń 28 qyrkúıek 2021 17:57

NUR-SULTAN. QazAqparat – QR Syrtqy ister mınıstrliginiń Memlekettik til komıssııasy quryldy. Bul týraly «Elimizde memlekettik tildiń qoldanylý aıasy jáne Syrtqy ister mınıstrliginde memlekettik tildi ulyqtaý sharalary» atty dóńgelek ústel otyrysynda atalǵan vedomstvoda mınıstrdiń orynbasary Erlan Álimbaev aıtty, dep habarlaıdy QazAqparat tilshisi.

«Ózderińizge belgili, sońǵy jyldary memleket basshylyǵynyń qoldaýymen elimizde memlekettik tildi qoldaný salasynda biraz ilgerleýshilikter bolyp jatyr. Memlekettik til tóńiregindegi túıtkildi máseleler halyq arasynda, áleýmettik jelilerde tolassyz talqylanýda. Osy oraıda, el arasynda tilge tıek bolyp jatqan máselelerdiń bılikke jetýi jáne jergilikti atqarýshy organdardyń oǵan laıyqty áreket jasaýy – ýaqyt talaby. Qazaqstan Respýblıkasynyń Syrtqy ister mınıstrligi memlekettik tildi qoldaný salasynda aldyńǵy shepten kórinýi tıis organ. Sebebi, halyqaralyq is-sharalardyń negizgi uıytqysy retinde bizdiń mınıstrlik – memleket aınasy. Sondyqtan mınıstrlik pen elshilikterimizdiń qyzmetkerleri kúndelikti ómirde jáne qyzmet barysynda memlekettik tildi qoldanýy sheteldikter aldyndaǵy bedelimizdi kóterýge septigin tıgizedi», - dedi Erlan Álimbaev.

Onyń aıtýynsha, mınıstrlik basshylyǵy til saıasaty salasyndaǵy júktelgen jaýapkershilikti sezine otyryp, sheshýshi qadamdar jasaýda.

«Atap aıtqanda, mınıstrdiń 2021 jylǵy 25 qańtardaǵy buıryǵymen Memlekettik til saıasaty basqarmasy derbes bólimshe bolyp qurylyp, mınıstrdiń birinshi orynbasaryna tikeleı baǵynatyn qurylymǵa aınaldy. Tildi qoldaný salasyndaǵy jumystardy kúsheıtý maqsatynda Qazaqstan Respýblıkasy Syrtqy ister mınıstrliginiń Memlekettik til komıssııasy quryldy», - dedi ol.

Bul komıssııanyń mindetterine mınıstrlikte memlekettik til saıasatyn kúsheıtý úshin usynystar ázirleý, dıplomatııalyq qyzmet personalynyń memlekettik tildi bilýin jetildirý kiredi.

«Til komıssııasy dıplomatııalyq qyzmet personalynyń memlekettik tildi bilýin jetildirý úshin «Qaztest» nátıjelerin eskere otyryp, jylyna 2 ret baǵalaý júrgizedi. Atalǵan sharalar mınıstrlikte atqarylǵan negizgi isterdiń naqty mysaly ǵana. Áli de qolǵa alatyn, atqaratyn ister jeterlik», - dedi E. Álimbaev.


Avtor Rýslan Ǵabbasov
Basty sózder: QR SІM, Til,
Joǵary qaraı