Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Syrtqy ister mınıstrligi zańsyz ustalǵan qazaqstandyq týrısterge qatysty Ózbekstanǵa úndeý joldady

2022 jyldyń 24 mamyr 2022 13:53

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Ózbekstandaǵy qazaqstandyq týrısterdiń oqıǵasy týraly pikir bildirdi, dep habarlaıdy QazAqparat tilshisi.

Buǵan deıin Samarqan qalasynyń polıtseıleri qazaqstandyq týrısterdi zańsyz ustap, arnaıy tehnıkalyq quraldar qoldanǵany habarlanǵan edi.

«Qazaqstannyń Syrtqy ister mınıstrligi oqıǵanyń mán-jaıyn anyqtaý úshin hat joldady. Biz óz azamattarymyzdyń quqyǵyn qorǵaımyz», - dedi Aıbek Smadııarov Úkimette tilshilerge bergen suhbatynda.

Onyń aıtýynsha, Syrtqy ister mınıstrligi de vıdeony arnaıy qarap shyqqan.

«Áleýmettik jelilerde taraǵan Ózbekstan polıtseıleri bizdiń azamattarǵa elektroshoker qoldanǵan vıdeony kórseńizder, kommentarııde ózbek halqynyń ózi quqyq qorǵaý organdarynyń áreketin aıyptap jatyr. Degenmen, biz jaǵdaıdy baqylaýda ustap otyrmyz. Ol jaqta ishki tergeý bastaldy, polıtseıler qyzmetinen shettetildi. Biz buǵan aralaspaýǵa tyrysamyz jáne azamattarymyzdy qorǵaý máselesine qatysty tusyn ǵana qadaǵalaımyz», - dep túıindedi Aıbek Smadııarov.


Avtor Aıjan Serikjanqyzy
Basty sózder: Oqıǵa, Ózbekstan, QR SІM,
Joǵary qaraı