Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Syrtqy ister mınıstrliginde AQIU-men yntymaqtastyq máseleleri talqylandy

2020 jyldyń 20 qarasha 2020 11:40

NUR-SULTAN. QazAqparat – Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev Azyq-túlik qaýipsizdigi jónindegi ıslam uıymynyń (AQIU) bas dırektory Erlan Baıdaýletpen kezdesti, dep habarlaıdy atalǵan vedomstvonyń baspasóz qyzmeti.

Kezdesý barysynda AQIU basshysy 28 qazanda Uıymnyń Atqarýshy keńesiniń ótken otyrysynyń qorytyndylary týraly habardar etti, sondaı-aq 2-3 jeltoqsanda Ankarada ótetin AQIU Bas assambleıasynyń jyl saıynǵy 3-sessııasynyń kún tártibimen tanystyrdy.

Taraptar AQIU-nyń birqatar flagmandyq baǵdarlamalary men jobalarynyń mazmunyna nazar aýdaryp, 27-28 qarashada Nıameı qalasynda (Nıger Respýblıkasy) ótkizilýi josparlanǵan Islam yntymaqtastyq uıymǵa qatysýshy elderdiń Syrtqy ister mınıstrleri keńesiniń 47-shi sessııasy kún tártibi týraly pikir almasty.

Azyq-túlik qaýipsizdigi jónindegi ıslam uıymy 2012 jyly Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen quryldy. Shtab-páteri Nur-Sultan qalasynda ornalasqan.


Joǵary qaraı