Aýa raıy
Astana -7 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Taekvondoshy Rýslan Japarov Búkilálemdik áskerı oıyndarda altyn medal jeńip aldy

2019 jyldyń 23 qazan 2019 23:51

NUR-SULTAN. QazAqparat - QR Qorǵanys mınıstrligi Qorǵanys sport klýbtary qaýysmdastyǵynyń sportshysy kishi serjant Rýslan Japarov Qazaqstan Qarýly kúshteriniń qorjynyn alǵashqy altyn medalmen tolyqtyrdy, dep habarlaıdy QazAqparat.

Mınıstrlik baspasz qyzmetiniń málimetinshe, sheshýshi kezeńde Rýslan 2015 jylǵy álem chempıonatynyń qola júldegeri reseılik sportshy Vladıslav Larındi oısyrata jeńdi.

«Tartysty ári bitispes básekede Rýslan keremet dene daıarlyǵyn, sheberligi men erik kúsh-jigerin pash etti. Joǵary deńgeıdegi atalmysh marapat otandyq armııalyq sporttyń salmaqty áleýetiniń kýási, Qazaqstan Qarýly kúshteriniń halyqaralyq bedelin nyǵaıtýda qomaqty úles boldy», - dedi taekvondodan QR QK quramasynyń kapıtany maıor Ánýar Úsenov.

Esterińizge sala ketsek, VII jazǵy CISM Búkilálemdik áskerı oıyndary (Halyqaralyq áskerı sport keńesi) sporttyń 27 túrinen ótip jatyr. Oǵan álemniń 109 elinen 9308 áskerı sportshy qatysýda.

Sportshylar sporttyń 27 túrinde 329 jıyntyq júldeni oınatady.

Qazaqstan sporttyń 11 túrine qatysady. Atap aıtqanda, taekvondo, erkin kúres, dzıýdo, oq atý, boks, grek-rım kúresi, zamanaýı bessaıys, júzý, sporttyq baǵdarlaý, jeńil atletıka jáne pentatlon. Quramamyzdyń quramynda 103 áskerı sportshy bar.

Joǵary qaraı