Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taekvondoshy Jansel Denız halyqaralyq týrnırdiń jeńimpazy atandy

2021 jyldyń 18 qazan 2021 19:09

ATYRAÝ. QazAqparat – Qazaqstandyq taekvondoshy Jansel Denız halyqaralyq týrnırdiń jeńimpazy atandy, dep habarlaıdy QazAqparat.

Atyraý oblystyq sport jáne dene shynyqtyrý basqarmasynyń baspasóz qyzmetinen málim etkendeı, 16-17 qazanda Chernogorııanyń astanasy – Podgorıtsada «Montenegro Podgorica Open 2021» halyqaralyq týrnıri ótken.

«Halyqaralyq G-1 deńgeıindegi reıtıng týrnırine álem elderinen 200-den astam sportshy qatysty. Qazaqstannyń namysyn qorǵaǵan taekvondoshylar qatarynda Jansel Denız de bar. Ol jarysty ekinshi aınalymnan bastap, 73 kelige deıingi salmaqta baq synady. Aldymen Moldova, keıin Brazılııa sporshysyn qapy qaldyrdy. Aqtyq synda Túrkııa taekvondoshysymen kezdesti. Qosymsha raýndta qarsylasyn 2:0 esebimen jeńgen otandasymyz týrnırdiń jeńimpazy atanyp, altyn medaldy ıelendi», - dep habarlady basqarmanyń baspasóz qyzmeti.

Eske sala ketelik, qyrkúıek aıynyń sońynda Jansel Denız Túrkııada ótken halyqaralyq týrnırdiń jeńimpazy atanǵan bolatyn.


Avtor Bek Mustafa
Basty sózder: Sport,
Joǵary qaraı