Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taǵy bir qazaqstandyq vaktsına klınıkalyq synaqtan óte bastady

2021 jyldyń 15 maýsym 2021 19:24

NUR-SULTAN. QazAqparat - Taraz qalasyndaǵy kópbeıindi qalalyq aýrýhanada 18-50 jas aralyǵyndaǵy eriktilerdiń qatysýymen QazCoVac-P sýbbirlikti vaktsınasynyń klınıkalyq synaǵy bastaldy, dep habarlaıdy QazAqparat tilshisi.

Bul týraly Bıologııalyq qaýipsizdik problemalarynyń ǵylymı-zertteý ınstıtýtynyń resmı saıty jazdy.

«Densaýlyq saqtaý mınıstrligi SARS-CoV-2 vırýsynyń jasandy sıntezdelgen aqýyzdary negizinde jasalǵan QazCoVac-P sýbbirlikti vaktsınasyn I jáne II fazada klınıkalyq zertteý júrgizýge ruqsat berdi. Bul - BQPǴZI-dyń Densaýlyq saqtaý mınıstrliginiń mamandandyrylǵan kásipornynda klınıkaǵa deıingi synaqtan sátti ótken jáne óziniń qaýipsizdigin kórsetken ekinshi vaktsınasy» dep jazylǵan resmı aqparatta.

Saıttyń jazýynsha, vaktsına jasaýǵa qatysqan mamandar molekýlalyq bıologııanyń zamanaýı tehnologııalaryn paıdalana otyryp, SARS-CoV-2 vırýsynyń RBD jáne N aqýyzdary shyǵaratyn ımmýndyq júıege tanys bakterııalardyń shtamdaryn alǵan.

Vaktsınanyń adam aǵzasyna túskende keri áseri bolmas úshin alynǵan aqýyzdar kúrdeli tásildermen tazartylyp, sapa baqylaýynan ótken kórinedi.

ıAǵnı, vaktsına quramynda bakterııalyq shtamm bolǵanymen, vırýstyń ózi joq.

«Vaktsına egilgen zerthana janýarlarynyń bulshyqetine ekinshi dozany engizgennen keıin ımmýnıtetti 14 táýlikke yntalandyrady. Sýbbirlikti vaktsınalar da ınaktıvti vaktsına sııaqty, quramynda tiri patogendi komponent joq jáne óte qaýipsiz. Vaktsınanyń quramyndaǵy adıývant vaktsınatsııalanýshynyń aǵzasyna teris áser etpeı, ımmýndyq jaýapty tıimdi yntalandyrady. Bul vaktsınanyń quramyna tek qajetti antıgender kiredi jáne vırýstyń basqa komponentteri kirmeıdi. Osynyń arqasnyda janama áserler az kezdesedi. Mysaly, tumaýǵa, V gepatıti men pnevmokokk, menıngokokk jáne gemofıldi ınfektsııalarǵa qarsy osy tıptegi vaktsınalar egiledi» dep jazady ınstıtýt saıty.


Joǵary qaraı